-Eallima váldosuotna riikkaoasi stuorrumii ja ovdáneapmái

Oljo- ja energiijaministtar Tord Lien oassálasttii duorastaga go fápmojohtasa barggut álggahuvvojedje  Ofuohta ja Báhccavuona gaskka. Go dát fápmojođas lea gárvvis, de dat sihkkarastá fámu Davvi-Norgii.

-Fápmojođas nanne fápmosihkkarvuođa – ja lea váldosuotna ealáhusovdánahttimii riikkaoasis. Danne lean hui ilus go dál beasan leat mielde álggaheamen huksenbargguid Ofuohtas Báhccavutnii, dadjá oljo- ja energiijaministtar Tord Lien.  

Earret stáhtaráđi doalai maid Statnett stivrajođiheaddji, Kolbjørn Almlid sártni čalmmusteami oktavuođas  Kvandal stašuvnnas, Narviikka olggobealde Nordlánddas.

Go fápmojođas lea gárvvis, de dat šaddá 150 kilomehtera guhki ja manná čieža gieldda ja guokte fylkka čađa.

Oljo- ja energiijaministtar Tord Lien rahpamin Ofuohta – Báhccavuona fápmojohtasa huksenbargguid.  (Govven: EBM/OED)

Rallarkoara “Sleggeklang” čuojahii heivvolaš musihka huksenbargguid álggaheami oktavuođas. (EBM/OED)

Oljo- ja energiijaministtar Tord Lien oaččui rallarhahta Statnett stivrajođiheaddjis, Kolbjørn Almid, maŋŋil go leai doallan sáhkavuoru. (EBM/OED)