Energiijadieđáhus
Historjjálaš arkiiva
Almmustahttináigodat Solberga ráđđehus
Almmustahtti: Oljo- ja energiijadepartemeanta
Ođas | Almmustahtton: 06.12.2014
Dassá lea 16 jagi go maŋimuš energiijapolitihkalaš stuoradiggedieđáhus ovddiduvvui. Dan rájes leat čađahuvvon ollu rievdadusat riikkalaš ja gaskariikkalaš energiijamárkanis. Energiijasuorgái lea das stuora mearkkašupmi. Mis leat ollu hástalusat mat gusket sihke elfápmosihkkarvuhtii, árvoháhkamii ja birrasii. Ráđđehus háliida dan geažil ovddidit ollislaš energiijadieđáhusa, gos energiijalágideami, dálkkádathástalusaid ja ealáhusovdáneami ferte ollislaččat árvvoštallat.
Dássedis energiijalágideamis lea vuđolaš mearkkašupmi ođđaáigásaš čálgoservodahkii, ja addá gilvalanovdamuni norgga industriijai. Norggas leat stuora energiijaresurssat ja doppe gávdno maid ođasmahtti energiija. Ráđđehus áŋgiruššá dan ahte resurssat hálddašuvvojit servodahkii ávkin ja leat mielde ovddideamen čálggu ja árvoháhkama.
Ráđđehus lea mearridan ovddidit energiijapolitihkalaš stuoradiggedieđáhusa. Bargu álggahuvvui njukčamánu 3.b.2014. Čoahkkimis oassálaste ollugat energiijasuorggis ja beroštusorganisašuvnnain. Mii háliidat joatkit lagas ja buori gulahallama ja háliidat árvalusaid energiijadieđáhusa bargui. Árvalusaid sáhttá sáddet: energimeldingen@oed.dep.no.