23. konsešuvdnavuorru – stuora beroštupmi ođđa oljobohkanguovlluide davvin
Historjjálaš arkiiva
Almmustahttináigodat Solberga ráđđehus
Almmustahtti: Oljo- ja energiijadepartemeanta
Preassadieđáhus | Nr: S096/15 | Almmustahtton: 08.12.2015
Norgalaš nannánjuolggi 23. konsešuvdnavuorus leat 26 fitnodaga ohcan departemeanttas bohkanlobi ođđa ohcanguovlluin.
Norgalaš nannánjuolggi 23. konsešuvdnavuorus leat 26 fitnodaga ohcan departemeanttas bohkanlobi ođđa ohcanguovlluin.
Ráđđehus almmuhii 23. konsešuvdnavuoru ođđajagimánu 20.b. 2015.
-Ođđa ohcanguovllut leat dehálaččat petrovlaealáhusa guhkitáiggi doaimmaide ja árvoráhkadeapmái, ja maiddái barggaheapmái miehtá riikka. Leage hirbmat illudahtti go nu ollu fitnodagat leat sádden ohcamušaid, ja dál lea garra gilvu blohkaid juogademiid alde. Erenoamážit go dál lea ođđa ohcanguovlu rahppojuvvon Nuorta-Finnmárkkus, cealká oljo- ja energiijaministtar Tord Lien.
23. konsešuvdnavuorus deattuhuvvojit erenoamáš dat ohcanguovllut Barentsábis maid Stuoradiggi jagi 2013 mearridii rahpat petrovladoaimmaid várás, gč.
-Lea hui buorre boahtteáiggi davviguovlluid petrovlaealáhussii ahte ollu iešguđetlágan fitnodagat gilvalit ođđa bohkanlobiid alde Barentsábis. Plána lea juolludit ođđa bohkanlobiid ovdal geasi, vai vuosttas bohkamat sáhttet álggahuvvot juo jagi 2017, joatká Lien.
57 blohka dahje blohkkaoasi almmustahttojuvvojedje ođđajagimánu 20.b. 2015: 54 blohka Barentsábis ja golbma Norgga ábis.
Ohcamušat leat boahtán iešguđetlágan fitnodagain; stuora internationála fitnodagain, gaskasturrosaš fitnodagain ja unnit berošteddjiin.
Ohcamušat galget dál meannuduvvot departemeanttas.
Ráđđehus almmuhii 23. konsešuvdnavuoru ođđajagimánu 20.b. 2015. Eanet dieđuid 23. konsešuvdnavuorus gávnnat ođđajagimánu 20. beaivásaš preassadieđáhusas . Dáppe gávnnat maid almmuhuskártta.
23. konsešuvdnavuoru ođđa bohkanlobit galget plána mielde juolluduvvot ovdal geasi 2016.
Fitnodagat mat leat ohcan bohkanlobi leat:
A/S Norske Shell
BP Norge AS
Capricorn Norge AS
Centrica Resources (Norge) AS
Chevron Norge AS
ConocoPhillips Skandinavia AS
DEA Norge AS
Det norske oljeselskap ASA
DONG E&P Norge AS
E.ON E&P Norge AS
Edison Norge AS
Faroe Petroleum Norge AS
Idemitsu Petroleum Norge AS
INPEX Norge AS
KUFPEC Norway AS
Lukoil Overseas North Shelf AS
Lundin Norway AS
Moeco Oil & Gas Norge AS
OMV (Norge) AS
PGNiG Upstream International AS
Pure E&P Norway AS
RN Nordic Oil AS
Spike Exploration AS
Statoil Petroleum AS
Tullow Oil Norge AS
Wintershall Norge AS