Johtolatministtar čađaha E6-mátkki maŋimuš oasi

-Dán mátkkis beasan olu vásihit ja sávan oažžut olu buriid árvalusaid. Dál lean čađaheamen maŋimuš oasi dán mátkkis, Bådådjos Girkonjárgii. Mun illudan deaivat olu diehtoáŋgiris olbmuid dán mátkkis, ja oahpásmuvvat dainna dehálaš váldogeainnuin, cealká johtolatministtar Ketil Solvik-Olsen.

• Don sáhtát čuovvut mátkki juohke beaivve dás: #E6geassi-kárta

Johtolatministtar Ketil Solvik-Olsen vuodjá dán geasi E6 mielde Svinesundas Girkonjárgii. Stáhtaráđđi ja su bargoustibat álggahedje mátkki Svinesundas Osloi geassemánu 13.beaivve. Oslos sii jotke viidáset geassemánu 23.beaivve. Nubbi oassi álggahuvvui geassemánu 30.beaivve Bådådjos, ja mátkki loahpahuvvo de Girkonjárggas suoidnemánu 3.beaivve.

-Min geaidnofierpmádat čatná riikka oktii. Munnje lea dehálaš ieš beassat oaidnit makkár dásis min váldogeainnut leat. Dán mátkkis áiggun deaivvadit fágaolbmuiguin, muhto maiddái gullat vásáhusaid ja árvalusaid dábálaš olbmuin, ealáhuseallimis, báikkálaš politihkkáriin ja earáin.

Dán mátkkis vuodjit E6-mielde, muhto mii fitnat maiddái hámmaniin, gálvoterminálain, girdiseaivunšiljuin, truck-bisánanbáikkiin ja eará sajiin mat gullet Johtolatministara ovddasvástádussii.

Mátkeruvtto ja čoahkkimat/bisánanbáikkit maŋimuš oasis: Bådåddjo - Girkonjárga 

(Mátkeruvtto ii leat dievaslaš, ja muhtun poasttat eai leat vel loahpalaččat čielggaduvvon.)

Vuossárgga geassemánu 30.beaivve

• Vuolgga Bådådjos
• Bådådjo - Fuosku: Vuodjit Stáhta geaidnodoaimmahaga biillain
• Fuosku – Skilggá: Bisánat Scanias. Vuodjit guorbmebiillain.
• Skilggá – Ulsváhke: Báikkálaš lágideapmi Ulsvågas.
• Ulsváhke – Bognes: Čoahkkin báikkálaš politihkkáriiguin feargakáija alde (Bognes).  
• Bognes – Skárffabákte: Váldit feargga báikkálaš politihkkáriiguin ovttas.
• Narviika: Boahtin Narviikka hámmanii. Mátki fatnasiin MS Bjørnfjell.
• Narviika: Vuolgin Ruovdemáđiidoaimmahaga Ofotbanen togain. Narviika stašuvdna. 
• Narviika: Diehtojuohkin Narvik Havn KF bokte.

Maŋŋebárgga, suoidnemánu 1.beaivve

• Vuolgin Narviikkas
• Málatvuopmi: Čoahkkin sátnejođiheddjiiguin
• Málatvuopmi - Romsa
• Romsa: Politihkalaš čoahkkin
• Romsa - Gárgán: Báikkálaš lágideapmi
• Gárgán – Ráisa
• Reisafjord Hotell: Rabas álbmotčoahkkin

Gaskavahkku, suoidnemánu 2.beaivve

• Ráisa – Áltá
• Áltá: Galledat Stáhta geaidnodoaimmahaga Gávvuonas gos lágiduvvo diehtojuohkinbottoš ja čoahkkin politihkkáriiguin.
• Áltá – Leaibevuotna
• Leaibevuotna - Leavdnja: Vuodjit stuora guorbmebiillain
• Leavdnja: Čoahkkin báikkálaš politihkkáriiguin ja ealáhuseallimiin
• Leavdnja – Kárášjohka
• Kárášjohka: Galledat Sámedikki
• Kárášjohka – Deanušaldi

Duorastaga, suoidnemánu 3.beaivve

• Deatnu: Čoahkkin báikkálaš politihkkáriiguin ja Stáhta geaidnodoaimmahagain
• Deanušaldi – Girkonjárga
• Girkonjárga: Čoahkkin gielddain, Telenorain ja Næringshageniin ja earáin. Vuodjit E105, fylkkageainnu Ruovdavuonas/Báhčaveadjái. Rabas álbmotčoahkkin.
• Ruovttoluotta Osloi.

Čuovo Twitter gos beasat lohkat ođđasiid dán mátkkis:  @samferdselsdep - #E6sommer

Govva vuollelis: stuorit govva preassageavaheapmái  

Preassagulahallit:

• Johtolatdepartemeantta politihkalaš ráđđeaddi Reynir Jóhannesson; 46 54 85 95
• Preassatelefovdna: 919 14 777