Mette Gundersen (Bp) šattai Johtolatdepartemeantta stáhtačállin golggotmánu 14.b. 2021.

Gundersen lei Kulturdepartemeantta stáhtačálli 2005-2007. Son lei várresátnejođiheaddji Kristiansandas 2007-2011 ja lea leamašan Kristiansanda gávpotstivrra ovddasteaddji 1999 rájes. Son lei Oarje-Agdera várreovddasteaddji Stuoradikkis 2001-2005. Gundersenas leat leamašan moanat stivrradoaimmat ja luohttámušdoaimmat. Son lea earret eará miellahttu KS váldostivrras, Eurohpáráđi suohkanlaš kongreassas ja EFTA-forumas sin váras geat leat báikkálaččat ja regionálalaččat álbmotválljejuvvon. Son lea ovdalaš miellahttu earret eará Bargiidbellodaga guovddášstivrras ja Álbmotsáddehatráđis. Gundersen lea váldán oahpu Agdera allaskuvllas (stáhtadiehtaga), Volda allaskuvllas (mediadiehtaga ja journalistihka) ja ealáhusakademiijas Næringsakademiet.