Mathisen lea Čáhcesullos eret ja boahtá barggus Varanger Kraftas gos lea jođihan fitnodaga guoddevašvuođastrategiija ja -systema huksema, ja son lea Čáhcesullo Guovddášbellodaga jođiheaddji ja Finnmárkku Guovddášbellodagas stivralahttu.

Mathisen lea ovdal leamaš fabrihkkahoavdan guollejáffoindustriijas, Innovasjon Finnmark direktevran ja ealáhusráđđeaddin Finnmárkku fylkkagielddas. Sus lea Cand. Mag oahppu ekonomiijas ja almmolaš politihkas Romssa universitehtas.