Dálkkádatčoahkkin bures boahtán johtui Durban gávpogis
Historjjálaš arkiiva
Almmustahttináigodat Regjeringen Stoltenberg II
Almmustahtti: Birasgáhttendepartemeanta
Ođas | Almmustahtton: 07.12.2011
Dálkkádatšiehtadallamat Durban gávpogis leat juo bures álggahuvvon, muhto čoahkkimis vuhtto eahpesihkkarvuohta bohtosiid ektui. Ruoná dálkkádatfoandda ja Kyoto-protokolla boahtteáigi leat deháleamos temát.
Dálkkádatšiehtadallamat Durban gávpogis leat juo bures álggahuvvon, muhto čoahkkimis vuhtto eahpesihkkarvuohta bohtosiid ektui. Ruoná dálkkádatfoandda ja Kyoto-protokolla boahtteáigi leat deháleamos temát.
-Mátta-Afrihkká presideantagoddi lea bovden rabas konsultašuvnnaide šiehtadallamiid vuordámušaid birra. Boahtte vahkus geahččala čoahkkinjođihangoddi čohkket iešguđetlágan árvalusaid ja oaččuhit áigái árvalusaid main lea deaddu ja vejolaš meannudit. Dát šaddá stuorra hástalussan, cealká Norgga šiehtadallannjunuš Henrik Harboe.
New Zealandalaš Adrian Macey gii jođiha Kyoto-protokolla ovddidii lávvardaga iešguđetlágan molssaeavttuid movt joatkit šiehtadusa. Vuođđun dasa ledje ságastallamat daid riikkaiguin geat háliidit badjelasaset váldit geatnegahttojuvvon áigodaga ja ovdánahttinriikkaid. Eaktun lea ahte ráhkaduvvo mandáhta šiehtadallanprosessii man boađus lea čadni šiehtadus mas buot riikkat leat mielde.
-Norga ja EO leaba deattuhan ahte šiehtadus ferte loahpalaččat meannuduvvon ovdal jagi 2015. Kina, India ja USA leat šiehtadallamiid bokte almmuhan jagi 2020. Dát lea menddo maŋŋit, lohká Harboe.
Norgga njunuššiehtadalli Henrik Harboe Durbanas ságastallamin NGO áirasiiguin. (ToneHertzberg/Birasgáhttendepartemeanta)
Durban čoahkkimis, jos vel sis lea ge vuosteháhku muhtun osiide ovddiduvvon foandda árvalussii. Maiddái USA lea cealkán ahte sii háliidit ahte mearrádus galgá dál dahkkot vaikko vel sis leat ge vuosteákkat árvalussii. Ulbmilin lea ahte foanda galgá doaibmagoahtit nu johtilit go vejolaš.
-Mis lea buorre doaivva ahte foanda mearriduvvo Durban čoahkkimis, lohká Harboe.