Sihkkarastá árbevirolaš máhtu

Mealgadis árvvolaš máhttu das movt mii nanaguoddevaččat sáhttit ávkkástallat luonddu sáhttá jávkat. Dát máhttu sáhttá veahkehit min seailluhit iežamet luonddušláddjivuođa.

Seailluheames dáid historjjáid ja máhtolašvuođa de Birasgáhttendepartemeanta álggaha barggu man leat gohčodan”olmmoš ja luondduárbi.” Dán bargu almmuhii Biras- ja ovdánahttinministtar, Erik Solheim, Álbmotmuseas Bygdøyas skábmamánu14. beaivvi.

Dát lea máhttu mii sáhttá vajálduvvot. Seammás dat lea dehálaš máhttu man mii dárbbašit luonddušláddjivuođa seailluheames ja háhkamis luonddugáhttema ja ávkkástallama beroštumi. Máhttu das movt beassi lea geavahuvvon dáhkkin, movt jálve- ja soahkelasttat leat geavahuvvon fuođđariin šibihiidda dahje movt áikasoagi njalbbi lea geavahuvvon ráhkadeames bleahka dagaha buori muitalusaid ja dehálaš máhtolašvuođa iežamet ruohttasiid birra, dadjá biras- ja ovdánahttiministtar Erik Solheim.

Norga lea riikkaidgaskasaš konvenšuvnnaid bakte geatnegahttojuvvon árvvusatnit, seailluhit ja  bisuhit máhtolašvuođa máhtu árbevirolaš luonddugeavaheami birra. Dat lea maiddái dehálaš máhttu mii dagaha ahte min suodjaluvvon guovlluid dikšu buorrána.

 

Loga eanet prošeavtta ”Olmmoš ja luondduárbbi” birra dás.