Bård Vegar Solhjell ođđa birasgáhttenministtarin

Bård Vegar Solhjell (40) nammaduvvui bearjadaga Birasgáhttendepartemeantta ođđa stáhtaráđđin Erik Solheim sadjái. –Mun sakka illudan váldit badjelassan dán dehálaš doaimma, celkkii Solhjell go válddii vuostá čoavddakoartta bearjadaga.

Solhjell deattuhii ahte máilmmi guokte stuorimus birasášši leat  dálkkádatnuppástusaid hástalusat ja  luonddušláddjivuođa massimat. Buot ovddimus  áigu son bargagoahtit  dálkkádatdieđáhusain.

- Biras ii leat okta suorgi, dat lea fundamentála vuhtiiváldin. Ferte leat seammá lunddolaš ságastit ovddasvástideaddji ekologalaš politihkas go ovddasvástideaddji  ekonomalaš politihkas, dajai son.

Solhjell giittii Erik Solheim dan barggu ovddas maid son lea bargan birasgáhttenministtarin.

-Ii gávdno birasgáhttenministtar gii lea olahan nu buriid biraspolitihkalaš bohtosiid.  Don ledjet  duođai dat vuosttas ruoná politihkkár Norggas, logai Solhjell.

Bård Vegar Solhjell lea eret Naustdal:s  Sogn og Fjordane, ja  ovddasta  Akershusa Stuoradikkis. Son lea SG nubbinjođiheaddji ja leai SG parlamentáralaš jođiheaddji ovdal go nammaduvvui stáhtaráđđin.

Solhjell leai máhttoministtar jagi 2007 rájes jagi 2009 rádjai.  Son leai SG stáhtačálli Stáhtaministara kantuvrras  2005 rájes gitta 2007 rádjai.  Solhjellas lea stáhtadieđalaš oahppu universitehtas Oslos ja Bergenis.