Mearrideapmi váidagiidda mat gustojit mearrádussii ahte lea lohpi liseansabivdit gumppiid Gaska-Norggas, Romssas ja Finnmárkkus

Birasgáhttendepartemeanta rievdada boraspirelávdegotti regiovdna 8 (Romsa ja Finnmárku) mearrádusa das ahte liseansabivdoearrin galget leat njeallje gumppe 2012/2013:s. Dat mearkkaša ahte dál ii addojuvvo earri liseansabivdit gumppiid regiovnnas. Váidagat mearrádussii ahte viiddidit liseansabivdineari 6. Regiovnnas (Møre ja Romsdal, Lulli-Trøndelaga ja Davvi-Trøndelaga) leat belohahkii váldojuvvon vuhtii.

Borasspirelávdegoddi 8. regiovnnas (Romsa ja Finnmárku) dagai golggotmánu 1.b. 2012:s mearrádusa ahte njeallje gumppe biddjojit leat liseansabivdoearrin liseansabivdoáigodahkii 2012/2013. Mearrádusa váide Norgga Luonddugáhttenlihttu, Norgga Birasgáhttenlihttu, Aksjonen Rovviltets Røst ja NOAH- elliid vuoigatvuođaid ovddas. (Golggotmánu 8.b.2012:s mearridii departemeanta maŋidit čađaheame boraspirelávdegotti mearrádusa das ahte liseansabivdit gumppiid. (Golggotmánu 8.b. 2012:s mearridii departemeanta maŋidit liseansabivddu dán regiovnnas dassážii go váidagat ledje meannuduvvon.

Departemeanta lea deattuhan váiddameannudeamis ahte 8. regiovnnas ii leat áicojuvvon gumpe dán jagi ja eaige leat registrerejuvvon vahágat gumppe geažil dán guovllus geassemánu 2011 rájes. Departemeanta lea maiddái deattuhan dan ahte lea dehálaš váldit vára genehtalaš dehálaš indiviiddas. Jus duohta dilálašvuohta rievdá ja regiovdnii fas maŋŋel bohtet gumppet liseansabivdoáigodagas, de borasspirelávdegoddi fas sáhttá árvvoštallat fas doppe rahpat liseansabivddu.

Borasspirelávdegoddi 6.regiovnnas (Møre ja Romsdal, Lulli-Trøndelaga ja Davvi-Trøndelaga)dagai golggotmánu 5.b. mearrádusa viiddidit liseansabivdoeari guvttiin gumppiin. Dán mearrádusa váiddii Luonddugáhttenlihttu ja Foreningen Bygdefolk for Rovdyr. Birasgáhttendepartemeanta bisuhii boraspirelávdegotti mearrádusa, muhto oaivvilda dán ferte geahččat oktavuođas ránnáregiovnna liseansabivddu mearrádusain (3. boraspireregiovdna -Oppland). Lea oalle jáhkehahtti ahte lea seamma gumpe mii lea dagahan vahágiid rádjeguovlluin gaskal dan guovtti regiovnna, jus fal báhččo gumpe 3. regiovnnas, de galgá dan noađuhit 6. regiovnna liseansabivdoearrái.

Oktiibuot, maŋŋel daid váiddamearrádusaid, lea lohpi báhčit liseansabivddus ovcci ealli 2012/2013:s. Jus gumpe báhččojuvvo 3. regiovnnas ovdal go earri devdojuvvo 6. regiovnnas, de dat noađuhuvvo 6. regiovnna earrái, dalle beassá oktiibuot riikkas báhčit 8 gumppe.