Giske EU’n jielemeministerh gaavnesji

EU’en jih EFTA’n jielemeministerh tjåanghkenin Københavnesne goevten 2. jïh 3 biejjien, juktie dam vijriesåbpoe evtiedimmiem dehtie sisnjelds maarkedistie digkiedidh.

Tjåanghkoen teema lij guktie maahta nuepide dennie digitaale sisnjelds maarkedisnie buerebelaakan nåhtadidh, juktie dah aevhkine sjidtieh sïeltide jïh årroejidie. Jieleme- jih åesiestimmieministere Trond Giske  lij meatan tjåanghkosne.

Kommissære sisnjelds maarkedese jïh dïenesjidie Michel Barnier jïh kommissære digitaale biejjieöörnegasse Neelie Kroes håaloejin. Daesnie soptsestin maam Europakommisjovne dorje ihke åesteme jïh doekeme digitaale vaarojste jïh dïenesjijstie edtjieh aelhkie jïh jearsoes årrodh. Jielemeministerh digkiedin mah dah vihkielommes heaptoeh leah, juktie vielie digitaale vuekieh nåhtadidh, jïh guktie maahta dejtie laahpehtidh. Sïelth mah innovatijve digitaale vuekieh åtnose vaalteme sov gïehteldimmesne aaj håaloejin.

Våarome

Dïhte raerie Dan  europejen unijovnese lea dïhte voernges åårgane mij nænnoste jïh laakh vadta EU’sne. EU’en lïhtsegestaath Raerien åejvieladtjeraeriem utnieh fïereguhten aejkien. Danmaarhke åejvieladtjeraeriem EU’sne  åadtjoeji  tsiengelen 1.b. 2012. Danmaarhken åejvieladtjeraerieboelhke vaasa ruffien 30.b. raajan 2012.

Raeresne  akte ministere fïereguhtede lïhtsegestaateste. Mah ministerh mah tjåanghkose båetieh jeerehte aamhtesesuerkien mietie. Ihke Nöörje ij leah meatan EU’sne, dle ibie iemielaakan meatan byjjes tjåanghkojne Raeresne, men ovbyjjes gaskesadtemetjåanghkojne.