19 gisjugisvuoda libjjáv oadtju

19:es oadtju gisjugisvuoda libjjáv. Dav Gånågis stáhttaráden mierredij uddni, biehtsemáno 15. biejve. Sijájs vidás libjjáv gållen oadtju, madi 14 oadtju libjjáv silban.

- Gå terror mijájt ládaj snjilltjamáno 22. biejve, lidjin moattes gudi rahtjin sihke Ráddidushuodnahijn ja Utøyan. Ráddidus luojvojbarggijt guddnet daj guovte mujttomerkaj baktu ma li mierreduvvam tsieggiduvvat Oslon ja Hole suohkanin. Ulmutja gudi li ållu sierraláhkáj luojvot hæggavádá iehtjádij hekkajt gádjum, máhtti gisjugisvuoda libjjáv oadtjot. Maŋŋel gå li árvustallam dajt oajvvadusájt ma dálátjij li boahtám le Merrajåhtulakdirektoráhtta oajvvadam 19:es galggi libjjájn guddneduvvat. Ráddidus le Merrajåhtulakdirektoráhta oajvvadusáv tjuovvum, javllá æládus- ja oasesminisstar Trond Giske.

Merrajåhtulakdirektoráhtta dat le oajvvadamoajválasj ja mij le guoradallam jus kandidáhta li libjjá gájbbádusájt ållidam. Dát le ieme dábe milta. Direktoráhtta le KRIPOSis viehkev oadtjum oajvvadusájt árvustallat. Jus muhtema mielas nágin le vajáldahtedum, de dåhkki ájn ienep ulmutjijt libjjáj oajvvadit.

-Gájka bessi oajvvadit sijájt gejt miejnniji dáv libjjáv oadtjot. Dán ájggemierre le ålles vihtta jage. Danen ij diehttu soajttá ienep libjjá vatteduvvi åvddålijguovlluj ma li snjilttjamáno 22. bæjvváj tjanádum, javllá Giske.

Sij gudi libjjáv oadtju li:

Gållelibjes:

Oddvar Hansen, Otto Kristian Løvik, Lill Hege Nilsen, Jørn Øverby ja Erik Martinsen Øvergaard.

Silbbalibjes:

Lise Berit Aronsen, Thomas Cordtsen, Kjersti Buer Dolve, Sjur Harald Dolve, Marcel Gleffe, Bjørn Kasper Ilaug, Allan Søndergaard Jensen, Bjørn Juvet, Terje Bergan Lien, Christer Lillestrøm, Sissel Martinsen, Ole Johan Simonsen, Julien Lucien Bernard Sué ja Helge Gjerløw Wettre.

Diedo:

• Gållelibjes le 7. alemus libjes mav Vuonan máhtá oadtjot, madi silbbalibjes le nr. 13. Libjjáv oadtjot gájbbet ålov.
• Libjes vatteduváj Alexander Kielland-sårme maŋŋela jagen 1980, guokta gádjaliddjijda helikopterijn ja muhtem sliehpimvanntsavuoddjáj gudi gádjalimbargon viehkedin. Åsta-sårme maŋŋela dat vatteduváj gålmmå tjuovvojda gudi gádjun moadda guojmmetjuovvo tågan. Goappátjij bále libjes dåssju silban vatteduváj. Åvdep ájgij libjes ienemus oassáj vatteduváj merrasårmij ja daj gádjalimij aktijvuodan. Danen Merrajåhtulakdirektoráhtta libjjá vaddema åvdås vásstet.
• Libjjá njuolgadusáj milta galggá “libjes vatteduvvat guddnen gisjugisvuoda åvdås gå ulmutja hekkav le gádjum jali ietjá sæmmilágásj dagov gånnå gájodiddje hægga le ájteduvvam”. Man mudduj hæggavádá le læhkám le mierrediddje jus gisjugisvuoda libjjáv máhttá oadtjot. Vijddábut de hæhttu luojvolattjat dáv vádáv gierddam.

Aktijvuohta:

Æládus- ja oasesdepartementa guládallamoajvve Anne Cecilie Lund, 996 21 213, acl@nhd.dep.no

Æládus- ja oasesdepartementa præssavákta, tlf 902 51 303, nhdinfo@nhd.dep.no.