Kultureanadat: 20 buorahis eanadaga válljejuvvon

Kultureanadagat: Ráđđehus lea válljen 20 buorahis kultureanadaga eanadoalus mat galget erenoamážit dikšojuvvot ja hálddašuvvot.

Juohke fylka lea ožžon iežas eanadat-čiŋa maid galgá fuolahit ovttas gielddaiguin ja eanaeaiggádiiguin. Buohkanassii dagahit dát eanadagat nationála rastáčuohpahaga eanadoalu kultureanadagain stuorra biologalaš ja kulturhistorjjálaš árvvuiguin.   

Biologalaš šláddjiivuohta
- Eurohpalaš eanadatkonvenšuvnna, masa Norga lea searvan, ulbmil lea ovddidit suodjaleami ja hálddašeami, maiddái eanadagas. Dát guoská juohkelágan eanadagaide, sihke erenoamáš árvvolaš eanadagaide ja daidda eanadagaide mat leat guorráneamen, dadjá biras- ja ovddidanministtar Erik Solheim. - Dát  eanadagat leat ollu šattuid ja ealliid eallinguovlun. Dain leat erenoamáš ja hui šláddjás luonddutiippat. Jus galgat nagodit bissehit biologalaš šláddjiivuođa guorideami, de dat mearkkaša ahte mii fertet fuolahit dákkár eanadoalloeanadagaid, deattasta Solheim.

Gammelsætre Lindalenis šaddá Møre og Romsdala eandoallo-čikŋan.
Govva: Silje Reisz, Møre og Romsdal fylka.

Oidnolat addá áddejumi
- Eanadoalloeanadagat sihke kulturhistorjjálaš ja biologalaš árvvuiguin leat deaŧalaččat dannego dat leat máhtto- ja vásáhusgáldut. Dat dávistit historjjá ja muitalit midjiide mo olbmot leat ávkkástallan luondduriggodagaiguin. Dáid guovvluid buori dikšun addá njulgestaga oidnolaga, seammás go dat veahkeha min áddet iežamet oktasaš luonddu- ja kulturárbbi, dadjá eanandoallo- ja biebmoministtar Lars Peder Brekk.

Čájehanláset
Válljejuvvon eanadagat ovddastit erenoamáš čoahkádusa mat doibmet nationála referánsaguovlun ja ”čájehanlásen” masa guovlluid eaktodáhtolaš, guhkesáiggi dikšun ja bajásdoallan lea eaktun. Buohkanassii lea várrejuvvon 8,0 miljon ruvnnu Birasgáhttendepartemeantta ja Eanandoallo- ja biebmodepartemeantta bušeahtain válljejuvvon guovlluid čuovvoleapmái 2009:s.

Ollugat mielde
Válljema vuođđun lea vuđolaš bargu Stáhta eanadoallohálddašeami, Luondduhálddašandirektoráhta ja Riikkaantikvára ovttaoaivilis rávvagiin. Regionála ja báikkálaš eiseválddit, eanadoalloorganisašuvnnat ja Sámediggi leat leamaš mielde barggus. Deaŧalaš oassin barggus lea leamaš sihkkarastit buori proseassa guoskevaš eanaeaiggádiid ja gielddaid ektui.

Dat 20 guovllu leat:

Østfold, Aremark	1. Bøen-geassesajit ja dáložat
Akershus, Nannestad	2. Lyshaug ja Nordre Eik
Oslo	3. Nordmarka-dáložat
Hedmark, Os	4. Vangrøftdalen - Kjurrudalen
Oppland, Vågå	5. Nordherad
Buskerud, Hole ja Ringerike	6. Steinsletta
Vestfold, Nøtterøy ja Tjøme	7. Skjærgården Tjøme-Nøtterøy
Telemark, Kragerø	8. Jomfruland ja Stråholmen
Aust-Agder, Valle	9. Rygnestad
Vest-Agder, Farsund	10. Vest-Lista
Rogaland, Rennesøy	11. Hodne-Vikevåg, Helland-Bø ja Førsvoll
Hordaland, Kvinnherad	12. Gjuvslandslia
Sogn og Fjordane, Leikanger	13. Grinde-Engjasete
Sogn og Fjordane, Selje	14. Hoddevik-Liset
Møre og Romsdal, Sunndal	15. Øvre Sunndala várredálut ja geassesadjeleagit
Mátta-Trøndelága, Midtre Gauldal	16. Budalena geassesadjeleagit
Davvi-Trøndelága, Leka	17. Skei ja Skeisnesset
Nordlánda, Sørfold	18. Engan/Ørnes-Kjelvik
Romsa, Gáivuotna	19. Skarfvággi/Skardalen
Finnmárku, Čáhcesuolu	20. Máhkkanjárga

 

Bøensætre šillju Aremarkas ovddasta Østfolda.

Nordmarka-dáložat Oslos. Goappašat govat: Turid Rikheim, Akershusa ja Østfolda meahcceossodat

Kultureanadat: Ráđđehus lea válljen 20 buorahis kultureanadaga eanadoalus mat galget erenoamážit fuolahuvvot.