Suinniid tuolohis riikiibuktin

Dárbbu mielde biebmat bohccuid besset boazodoallit dál riikii buktit suinniid tuolu mávssekeahttá. Ohcan beassat riikii buktit suinniid sáddejuvvo Stáhta eanadoallohálddahussii. Ohcamiid meannudanáigi lea oanehaš.

• Olles ášši suinniid tuolohis riikiibuktima birra SEHas (SLFas):

Fuones suoidnešattu geažil dahje Norgga suoidnebuvttadeaddjiid váilevaš suoidneskáhppoma geažil lea vejolaš ohcat suinniid riikiibuktinearis oasi. Lea várrejuvvon 1500 tonna suoidni dákkár dáhpáhusaide.  

Oažžun dihtii oasi dán earis lea dárbu sáddet ohcama mii sisttisdoallá čuovvovačča:

1. ohcci nama, čujuhusa ja fitnodatnummara
2. sávvojuvvon suoidnehivvodaga
3. man riikkas/guovllus suoinnit buktojuvvojit Norgii (EUs dahje eará riikkain)  
4. fitnodatduođaštusa: fitnodat galgá leat registarastojuvvon Brønnøysundda fitnodatregistarii. Fitnodatduođaštus ii galgga leat boarrasat go 6 mánu 
5. RF1244-skovi máksojuvvon vearu birra: fitnodat galgá leat ollašuhttán iežas vearromáksingeatnegasvuođaid ja ferte duođaštusain čájehit dan. Duođaštus ii galgga leat boarrasat go 6 mánu. 
6. RF1244-skovi máksojuvvon lasseárvodivada (momssa) birra: fitnodat galgá leat ollašuhttán iežas divadatmáksima geatnegasvuođaid ja duođaštusain čájehit dan.  Duođaštus ii galgga leat boarrasat go 6 mánu. 
7. duođaštusa gieldda eanadoallohoavddas/fylkkamánne eanadoalloossodagas/boazodoalloagronomas ahte lea leamaš mearkkašahtti fuones suoidnešaddu áššeguovdilis guovllus dahje ahte ii leat vejolaš fidnet suinniid  mat leat Norggas buvttaduvvon. Stáhta eanadoallohálddahus (SEH) galgá fuolahit direktoráhtadoaibmamušaid Eanadoallo- ja biebmodepartemeantta (EBD) ovddas.