Mearrádus Finnmárkku boazologuid birra

Eanandoallo- ja biebmodepartemeanta lea vástidan Boazodoallohálddahusa reivve go guoská dárkkistit mearrádusa boazologuid birra mii dahkkui 2010 juovlamánus.

Eanandoallo- ja biebmodepartemeanta čielggada reivves ođđajagimánu 24.b.2011:s Boazodoallohálddahussii muhtun dilálašvuođaid dan oktavuođas go departemeanta lea fámuhuhttán Boazodoallostivrra mearrádusa go guoská muhtun Finnmárkku orohagaid boazologuide. Boazodoallohálddahus lea reivves guovvamánu 11.b.2011:s vástidan departemeantta reivve. Boazodoallohálddahusa reive váldá ovdan earret eará áššeráhkkananproseassa, bagadusa geavaheami alimus boazologuid mearrideapmái ja mearrádusa maid Boazodoallostivra lea dahkan boazologuid mearrideami prinsihpaid birra.

• Loga Boazodoallohálddahusa olles reivve (pdf, 338 Kb)

Eanandoallo- ja biebmodepartemeanta čielggada vástádusreivves guovvamánu 28.b.2011:s  dilálašvuođaid nugo stivrendialoga gaskkal departemeantta ja hálddahusa, ja Boazodoallohálddahusa rolla stáhtalaš hálddašaneiseváldin. Departemeanta čielggada maiddái dilálašvuođaid álbmotrievtti ektui.  Eanandoallo- ja biebmodepartemeanta fállá lágidit seminára Boazodoallohálddahusain dan birra mot geavahit eavttuid mearridit ekolagalaš ceavzilis boazologuid.

• Loga Eanandoallo- ja biebmodepartemeantta olles reivve (pdf, 112 Kb)

Eanandoallo- ja biebmodepartemeanta lea vástidan Boazodoallohálddahusa reivve go guoská dárkkistit mearrádusa boazologuid birra mii dahkkui 2010 juovlamánus.
Govven: Trym Ivar Bergsmo, Samfoto.