Slagsvold Vedum nammaduvvon ođđa eanandoallo- ja biebmoministtarin

Slagsvold Vedum lea 33 jagi boaris ja lea leamaš Hedmarka Stuorradiggeáirrasin 2005 rájes. Son lea Guovddášbellodaga várrejođiheaddji ja lea leamaš Guovddášbellodaga stuorradiggejoavkku parlamentáralaš jođiheaddji 2009 rájes. 

Slagsvold Vedum lea vázzán Jønsberg eanandoalloskuvlla ja Tomb eanandoalloskuvlla. Son lea maid studeren Hedmarka allaskuvlla Blæstad ossodagas ja Oslo universitehtas. Sus leat leamaš sierralágan doaimmat Guovddášbellodagas sihke báikkálaččat ja guovddášdásis. Slagsvold Vedum bargá ruovttušaddogárdimiinnis Stanges. Son lea náitalan ja sus leat guokte máná. 

Lars Peder Brekk máhccá Stuorradiggái, gos son lea Davvi-Trøndelaga áirrasin. Harald Oskar Buttedahl ja Ane Hansdatter Kismul joatkiba virggiineaskka stáhtačállin ja politihkalaš ráđđeaddin Eanandoallo- ja biebmodepartemeanttas. 

Čoavdagiid geigejit Eanandoallo- ja biebmodepartemeanttas, Akersgt 59, dii 12.30. Media čoaggana R5-resepšuvdnii maŋimusat dii 12.15.