Bohccobiergu Sámi álbmotbeaivvi
Historjjálaš arkiiva
Almmustahttináigodat Regjeringen Stoltenberg II
Almmustahtti: Eanandoallo- ja biebmodepartemeanta
Ođas | Almmustahtton: 05.02.2013
Sámi álbmotbeaivvi čalmmustahttojuvvo bohccobiergu Mathallenis, Vulkan báikkis Oslos. Dáppe lea dus vejolašvuohta eanet oahpásmuvvat boazodoaluin ja oastit buktagiid riikka buoremus bohccobiergofitnodagain. Eanandoallo- ja biebmoministtar Trygve Slagsvold Vedum juohká bálkkašumi buoremus bohccobiergorávvaga ovddas.
Sámi álbmotbeaivvi čalmmustahttojuvvo bohccobiergu Mathallenis, Vulkan báikkis Oslos. Dáppe lea dus vejolašvuohta eanet oahpásmuvvat boazodoaluin ja oastit buktagiid riikka buoremus bohccobiergofitnodagain. Eanandoallo- ja biebmoministtar Trygve Slagsvold Vedum juohká bálkkašumi buoremus bohccobiergorávvaga ovddas.
Beaivvi prográmma:
| 12.00 | Buresboahtin Bohccobiergomárkaniid vuovdinšilljui. Vuovdinbájit, “koahkkastašuvnnat”, máistinvásáhusat, filbmačájáhusat jna. Bistá olles beaivvi ja miehtá vahku. |
| 12.00 | Fágaseminára/borramušsuorgedeaivvadeapmi Matsalenis – jorbabeavdekonfereansa |
| 17.00 |
Ámmát koahkat ja astoáiggikoahkat leat bovdejuvvon gilvalit ráhkadit njálgáseamos borramuša bohccobierggus. Buoremus borramušráva válljejuvvo vuovdinšiljus, ja bálkkašumit geigejuvvojit Eanandoallo- ja biebmoministara Trygve Slagsvold Vedum bokte. |
| 19.00 |
Dáiddalaš oassi lea Marja Helene Fjellheim Mortensson bokte. Son boahtá lulimus boazodoalloorohagas, Svahken Sijte/Elgå. |
Bohccobiergofitnodagat Mathallenis
Čuovvovaš fitnodagat oassálastet gaskavahku guovvamánu 6.beaivvi ja miehtá vahku Mathallen vuovdinšiljus.
- Varanger Vilt AS
- Arctic Rein og Vilt AS
- Stensaas Reinsdyrslakteri AS
- Fjellvilt AS
- Davvi Siida AS
Mathallen
Mathallen Oslos rahppojuvvui golggotmánus jagi 2012 ja fállá sihke bierggu, guoli, ruotnasiid, káfe – buot boahtá buoremus buvttadeddjiin/juogadeddjiin Norggas. Dasa lassin gávdnojit kaféat, restauráŋŋat, smávva erenoamášgávppit ja olu eará borramuššii guoskevaš doaimmat. Gallestallamat Mathallenis leat bures lihkostuvvan rahpama rájes guovvamánus.
- Eanet dieđuid gávnnat dáppe: www.mathallenoslo.no
