Ceavzilis boazodoallu

Ráđđehus áigu ceavzilis boazodoalu sihkkarastit boazologuin mii lea heivehuvvon guohtuneatnamiid ektui, geahpeduvvon vahágiiguin ja eanet buvttademiin. Ferte geahpedit boazologu guovlluin gos lea beare alla boazolohku. Ráđđehus áigu boazodoallopolitihkalaš gaskaomiid ealáhusbeali nannet.

• St.dieđ. 9 (2011–2012) Eanandoallo- ja biebmopolitihkka 
• Preassakonferánsa Neahtta-TV:s Stuoradikki dieđáhusa eanandoallo- ja biebmopolitihka birra
• Geahča maiddái video Eanandoallo- ja biebmoministtariin Lars Peder Brekk kommentáraiguin

- Bohccobierggus leat mihá stuorát márkanvejolašvuođat go dat mii dál ávkkástallojuvvo. Lea dehálaš ahte ealáhus bidjá eanet návccaid buvttaovdánahttimii ja márkanfievrredeapmái, dadjá Brekk.

- Bohccobiergu lea arktalaš hersko ja lea okta dain buot eanemus earenoamáš ja gelddolaš biergguin maid Norga sáhttá fállat. Leat oba unnán eará biergosorttat, jus fal leažžá oktage, main lea dakkár historjá muitalit go bohccobierggus, dadjá eanandoallo- ja biebmoministtar Lars Peder Brekk.

Boazolohku heivehuvvon guohtuneatnamiid ektui
Muhtin báikkiin Finnmárkkus lea guhkit áigge leamašan eanet boazu go masa  gávdno guohtuneanan. Vuoruhuvvon bargu boazodollui ja eiseválddiide lea danin mearridit boazologu mii lea heivehuvvon guohtuneatnamiid ektui. Orohagat leat ráhkadan doaibmanjuolggadusaid ja evttohan alimus boazologu maid Boazodoallostivra galgá dohkkehit. Dál leat measta buot orohagat ožžon Boazodoallostivrras dohkkehuvvot, dahje mearriduvvot alimus boazologu. Dát bargu galgá geargan dán jagi lohppii. servodaga.

- Lea dehálaš farggamusat oažžut boazologu mii lea heivehuvvon guohtuneatnamiid ektui. Lea vuosttažettiin ja ovddemus dehálaš sihkkarastit boahtteáigái guohtuneatnamiid. Viidáset dat lea dehálaš ealáhusa legitimitehtii ja áddejupmái servodagas, ja boazodoalu boahtteáigái lea dehálaš sámi kulturguoddin ja eallinvuohkin, dadjá eanandoallo- ja biebmoministtar Lars Peder Brekk.

Ráđđehus áigu:

• Hukset boazodoallopolitihka golmmaoasát mihttomeari ala, ekologalaš, ekonomalaš ja kultuvrralaš ceavzilvuođa, mas deattuha ekologalaš ceavzilvuođa.
• Bargat dan ala ahte buorebut sihkkarastit boazodoalu areálaid.
• Sihkkarastit ceavzilis boazodoalu heivehuvvon boazologuin, geahpeduvvon vahágiiguin ja eanet buvttademiin. Boazologu ferte geahpidit guovlluin gos lea beare olu boazu. 
• Boazodoallopolitihkalaš gaskaomiid ealáhusbeali nannet. 
• Váikkuhit dássedis márkandillái vai boazodollui sihkkarastá ealáhusvuođu.
• Álkidahttit ja beavttálmahttit boazodoalu almmolaš hálddašeami Norggas. Guovllustivrraid leat evttohan heaittihit ja guovllukantuvrraid leat evttohan sirdit fylkkamánni hálddašeapmái.
• Ovddidit evttohusa ahte eanajuohkinriektái addit gelbbolašvuođa čielggadit boazodoalu siskkáldas vuoigatvuohtagažaldagaid.
• Ealáhusa bovdet ovttasbargat mátkeealáhusvuđđosaš ealáhusdoaimmaiguin ja prográmma ea.ea oahppanvuđot bálvalusaide boazodoalus.