Ceavzilis eanandoallu

Luondu balánssas lea iešalddis mihttomearri ja lea dárbbašlaš eaktun buot eanandoalloealáhusaide. Sihkkarastin dihte ahte dálá álbmogis ja boahtteáiggi buolvvain lea gávdnamis doarvái ja sihkkaris biebmu, energiija ja vuovddis muorat, de eanandoalu ferte doaimmahit birasceavzilis lági mielde. Resurssaid galgá ávkkástallat dan vuođul man ollu dat girdet ja positiivvalaš ovttasdoaibmamis luondduin.

• St.dieđ. 9 (2011–2012) Eanandoallo- ja biebmopolitihkka 
• Preassakonferánsa Neahtta-TV:s Stuoradikki dieđáhusa eanandoallo- ja biebmopolitihka birra
• Geahča maiddái video Eanandoallo- ja biebmoministtariin Lars Peder Brekk kommentáraiguin

- Norgga vuovddit ja eatnamat leat stuora kárbonvuorkkát, ja vuovddi álgoávdnasat sáhttet geavahuvvot fossiilla boaldámušaid sadjái.  Eanandoallo galgá maiddái dainna lágiin leat fárus čoavdime dálkkádathástalusaid, dadjá Lars Peder Brekk.

Birasbuorit
Eanandoalus lea dehálaš doaibma go servodahkii buvttada birasburiid- ja bálvalusaid, earenoamáš dehálaš lea vuovddi ja eatnama doaibma kárbonvuorkán dálkkádatoktavuođas, ja seailluhit biologalaš valljivuođa ja dikšut kultureanadagaid.

Boazodoallopolitihkka lea huksejuvvon golmmaoasát mihttomeari ala, ekologalaš, ekonomalaš ja kultuvrralaš ceavzilvuođa, mas deattuha ekologalaš ceavzilvuođa.

Ekologalaš biebmobuvttadeamis lea lunddolaš sadji Norggas, sihke birasperspektiivvas ja vai sihkkarastá máŋggabealátvuođa geavaheaddjái.

Ráđđehus áigu:

• Árvvoštallat dárbbu nannejuvvon juridihkalaš gaskaomiide vai geahpida eanandoalu birasčuozahusaid vel eambbo.
• Geahpedit ealáhatstoffaid siigama ja beassama čáhcái.
• Vuovdedoalus galgá láhčit dili nu ahte lea eambbo mearrediđolaš birasárjjaid dáfus. Máhtolašvuohta vuovde- ja birasárvvuid dili ja ovdánanbeliid birra ovttastahttojuvvo ja almmuhuvvo jahkásaš raporttas, Ceavzilis vuovdedoallu - ealáhus ja biras.
• Bargat dan ala ahte 15 proseantta biebmobuvttadeamis ja biebmogeavaheamis galgá leat ekologalaš jagis 2020.
• Gánnáhahtti dási vuođul biebmobuvttadeapmi ja guohtun galget ain leat váldogaskaoapmin vai suoidneareálat geavahuvvojit  ja eai šatta fas meahccin. Dálá kultureanadatdoarjaga gáibádusaid berre heaittihit, vai sáhttá váldit vára uhkiduvvon areálain. Dat mearkkaša ahte areálaid ferte geavahit, juogo šattuid čohkket doppe, elliid diktit guohtut dahje láddjet unnimusat oktii juohke šaddanáigodagas.
• Lasihit máhtolašvuođa teknologiija, doaimma ja organiserema birra biogássabuvttadeami dáfus vai geahpida goluid ja lasiha gánnáhahttima.
• Bisuhit ja viidáset ovdánahttit eanandoalu genehtalaš máŋggabealátvuođa dálkkádatheiveheami ja eanet dálkkádatvuoittuid áigumuša váras.