Nuorat fárrui eanandollui

Buorre rekrutteren eanandollui lea mearrideaddjin dasa jus galgá sáhttit lasihit biebmobuvttadeami ja joksat eará mihttomeriid. Ráđđehus áigu jođihit eanandoallopolitihka mii addá nuoraide boahtteáiggedoaivaga, dáhtu ja vejolašvuođaid vuoruhit eanandoalu leat iežaset fidnun.

• St.dieđ. 9 (2011–2012) Eanandoallo- ja biebmopolitihkka 
• Preassakonferánsa Neahtta-TV:s Stuoradikki dieđáhusa eanandoallo- ja biebmopolitihka birra
• Geahča maiddái video Eanandoallo- ja biebmoministtariin Lars Peder Brekk kommentáraiguin

- Boandafidnu addá buriid vejolašvuođaid geavahit návccaid ja oahpu. Buorre máhtolašvuohta, dáhttu ja nákca ođđahutkamiidda lea dehálaš, ja earenoamážit go giliealáhusaid galgá ovdánahttit mat leat gili ja eanandoalu resurssaid ala vuođđuduvvon, dadjá eanandoallo- ja biebmoministtar Lars Peder Brekk.

- Boandafidnu lea máŋggabealát ja gáibideaddji, seammás dat addá heivehanmuni ja iešheanalašvuođa árgabeaivvis masa ollugat liikojit.  Fidnu lea eallinvuohki ja árvoválljen. Dat addá lagasvuođa elliide ja lundui, ja gullevašvuođa gili-Norgga kvalitehtaide, dadjá Brekk.

- Mun háliidan nuorain oahppat, diehtit eambbo dan birra maid sii deattuhit go válljejit fitnuid. Danin mun áiggun ásahit nuoraidráđi mii sáhttá addit munnje bissovaš gulahallama nuoraiguin ja nuorra boanddaiguin, dadjá eanandoallo- ja biebmoministtar Lars Peder Brekk.

Ráđđehus áigu:

• Oažžut sisaboahtovejolašvuođaid, investerenortnegiid ja čálgoortnegiid maiguin nuorat oidnet ahte eanadoalus lea boahtteáigi. 
• Árvvoštallat eanandoallo- ja gilvvagárddedoallooahpu struktuvrra ja sisdoalu joatkkaskuvlla dásis, kártet fágaskuvlafálaldaga ja servodaga dárbbuid eanandoallo- ja biebmofágalaš ohppui fágaskuvllain. Doaimmat bohtet árvvoštallojuvvot maiguin movttiidahttá eambbogiid ohcat alit eanandoallofágalaš ohppui.
• Jođihit politihka mii addá nissonolbmuide ja dievdduide seamma vejolašvuođaid bargat ealáhusdoaimmaiguin eanandoalus ja giliealáhusain. Gaskaoapmevuogádat viidáset ovdánahttojuvvo dainna áigumušain ahte oažžut eambbo dásseárvvu ja nissoniid searvat eanandoallo- ja biebmosuorgái.