Sihkkaris biebmu ja buorre elliidčálgu

Buot biebmu mii vuvdojuvvo Norggas galgá leat sihkkar. Dan galgá sáhttit guorrat visot biebmobuvttadangollosa čađa. Buorre elliidčálgu lea iešalddis mihttomearri, ja lea buorrin servodahkii ja gilvoovdamunnin norgga eanandollui. Ráđđehus áigu sierra guorahallama čađahit náhkkeealáhusas.

• St.dieđ. 9 (2011–2012) Eanandoallo- ja biebmopolitihkka 
• Preassakonferánsa Neahtta-TV:s Stuoradikki dieđáhusa eanandoallo- ja biebmopolitihka birra
• Geahča maiddái video Eanandoallo- ja biebmoministtariin Lars Peder Brekk kommentáraiguin

- Norgga dovdomearka biebmonašuvdnan lea ahte lea alla biebmosihkarvuohta, buorre šaddo- ja elliiddearvvašvuohta, buorre elliidčálgu ja birasustitlaš buvttadeapmi. Dát leat árvvut maid lea hui dehálaš bisuhit maid boahtteáiggis, dadjá eanandoallo- ja biebmoministtar Lars Peder Brekk.

- Buorre elliiddearvvašvuohta lea dehálaš buori elliidčálgui. Elliin lea iežasárvu ja elliid lunddolaš dárbbuid galgá váldit vuhtii. Elliid galgá gieđahallat dohkálaš lági mielde ja árvvus atnit, dadjá Brekk.

Ráđđehus áigu:

• Bargat ain sihkkarastit dearvvaš sihkkaris biepmu.
• Bargat sihkkarastit šaddo- ja elliiddearvvašvuođa ja ráddjet vahátváikkuhusaid eanet globaliserema ja dálkkádatrievdadusaid geažil.  
• Ovddidit buori elliidčálggu ja vuordá rabasvuođa ealáhusas elliidčálgogullevaš dilálašvuođaid birra.
• Dahkat iežas guorahallama náhkkeealáhusas ja máhccat ruovttoluotta Stuoradiggái áššiin.
• Ovddidit buvttadeami ja válljenvári dearvvaš ja dearvvašvuođaovddideaddji biepmuin ja borramiin, nu ahte geavaheaddjit sáhttet válljet biebmodoalu dearvvašvuođaeiseválddiid ávžžuhusaid mielde.
• Deattuhit buvttadanvugiid mat adnojit leat sihkkarin ja čájehit várrogasvuođa go ođđa teknologiija váldojuvvo atnui, dasa gullá joatkit čavga GMO - politihkain. 
• Ávkkástallat našuvnnalaš doaibmanmuni maid EEŠ-šiehtadus addá, nu ahte Norga oažžu geabbilis njuolggadusaid biebmosuorggis seamma ládje go eará EEŠ- riikkain ge. 
• Ahte norggabuvttaduvvon biepmu galgá sáhttit guorrat ja čuovvut buvttadusgollosis gitta geavaheaddjái.