Ođđa máhttoprográmma geasuhan dihtii ođđa ássiid

Ráđđehus dieđiha stuorradiggedieđáhusas Báikkálaš šaddadanfápmu ja boahtteáigejáhkku ahte áigu ráhkadit máhttoprográmma vai eanet olbmot háliidit ásaiduvvat dakkár báikkálaš servodagaide main olmmošlohku ii ovdán buoret guvlui.

- Olbmuid fárrema ja ásaiduvvama guorahallan čájeha ahte geasuheaddji báikegottit šaddet dađistaga deháleabbun olbmuid ásaiduvvamii, barggu ja viesu lassin, cealká gielda- ja guovloministtar Magnhild Meltveit Kleppa.

Smávvaservodatáŋgiruššan, kultuvra ja ealáhus, BLEST nammasaš prošeakta miela birra ásaiduvvat gávpogaččaide ja čoahkkebáikkiide ja profileren- ja beagginovddideapmi leat prošeaktaovdamearkkat mat leat addán ávkkálaš vásáhusaid. Dattetge dat ii leat doarvái.

- Mun háliidan ahte ollu eanet báikkálaš servodagat Norggas galget leat dakkárat maidda olbmuid geasuhuvvojit ásaiduvvat. Dalle mii dárbbašit eanet máhtu sihke riikkalaččat ja báikkálaččat makkár doaibmabijut lassánahttet olbmuid háliidusa ássat báikkálaš servodagaide, dadjá gielda- ja guovloministtar Magnhild Meltveit Kleppa.

Iveland mas leat sullii 200 ássi, lea ovddasmanni prošeavtta ovdamearka mii čađahuvvui Viessobáŋkku báikeovddidanprográmmas, BLEST. Iveland lea deattuhan geavaheaddjiid searvama gávnnahan dihtii makkárin olbmot háliidit Birketveit nammasaš čoahkkebáikki. Iveland gielda lea jorgalahttán ássiid massima ássiid lassáneapmái.

Sisafárrejeaddjit váikkuhit ollu fárremii smávit gielddaide. Sin sisafárren dahká sullii guokte goalmmádasa Norgga olmmošlogu lassáneamis odne, muhto sis eatnašat ásaiduvvet stuorra gávpogiidda.dahje daid lahka. Jus dán mintara galgá sáhttit nuppástuhttit, de lea dárbu áŋgiruššat báikkálaččat. Báikegottiid hástalus lea ahte sis ferte leat rabas miella ja ahte sii searvadit ođđa ássiid vai sii ásaiduvvet bissovaččat.

Sihke nuoraide ja sisafárrejeaddjiide ferte čájehit erenoamáš fuomášumi Bulyst nammasaš prográmmas.