Guovlulaš ovdáneapmái Nordlánddas

Ođasmahttin 22.10.10:
Ráđđehus árvala juolludit 267,7 miljovnna ruvnno guovlulaš ovdáneapmái Nordlánddas, iige 271,9 miljovnna nu movt bođii ovdan preassadieđáhusas golggotmánu 5.beaivvi 2010. Duogáš lea rehkenastinteknihkkalaš meattáhus. Rámma mii árvaluvvo fylkkasuohkaniidda lea gaskaboddosaš gitta dassážiigo Stuorradiggi lea meannudan2011 stáhtabušeahta. Loahpalaš rámma almmuhuvvo juolludusreivves man Gielda- ja guovlodepartemeanta sádde fylkkasuohkaniidda ođđajagi álggus.

---

Doarjja guovlulaš ovdáneapmái Nordlánddas galgá lasihuvvot 261,6 miljovnna ruvnnos 2010:s 271,9 miljovnna ruvdnui 2011.

2011 stáhtabušeahtas árvala ráđđehus juolludit sullii 2,8 miljárdda ruvnno bire- ja guovlopolitihkkii. Fylkkasuohkan galgá hálddašit sullii 80 proseanta dáin ruđain.

- Mii bargat oažžumis árvoháhkama, bargosajiid, čálggu ja buori báikegottiid doppe gos olbmot orrot. Fylkkasuohkanat leat guovddážis dán barggus, dadjá gielda- ja guovloministtar Liv Signe Navarsete.

Bire- ja guovlopolitihka bakte háliida ráđđehus láhččet ássama ja árvoháhkama miehta riika.
 
- Ráđđehus áigu láhččet olbmuide vejolašvuođa ásahit ođđa fitnodagaid dahje viidáset ovdánahttit gávdni fitnodagaid. Danin mii 2011:s nannet suohkanlaš ealáhusfoanddaid 50 miljovnna ruvnnuin, 225 miljovnna ruvdnui, lohka Liv Signe Navarsete.

Juolludeamis Nordlándii leat 29,5 miljovnna ruvnno ráddjejuvvon suohkanlaš dahje guovlulaš ealáhusfoanddaide. Ruđat galget veahkehit daid suohkaniid dahje guovlluid gos lea unnán ealáhusdoaibma vai sáhttet doarjut báikkálaš ealáhusovdáneami.

Čujuhus

• Loga movt Nordlándda fylkkasuohkan 2009:s lea atnán dáid ruđaid.

Liigedieđut

• 8,8 miljovnna ruvnno oppalaš juolludeamis Nordlándda fylkkasuohkanii galgá gokčat goluid go servet eurohpalaš territoriála ovttasbargui (Interreg)
• Maŋŋil jahkemolsuma oažžu fylka maiddái buhtadasa bargoaddidivada lassáneami dihte. Jagi 2010 juolluduvvui 169,5 miljovnna ruvdno buhtadusruhtan Nordlándii.

Gielda- ja guovlodepartemeanta preassatelefovdna: 22 24 25 00.