Eanet láigoorrunsajit daidda guđet leat váttes dilis

- Olus leat ohcan doarjaga ásahit láigoorrunsajiid dán jagi. Mii lasihit doarjaga láigoorrusajiide 88,8 milj. ruvnnuin jahkái 2010 reviderejuvvon nationálabušeahtas. Dat mearkkaša ahte Viessobáŋku sáhttá addit doarjaga sullii 1150 orrunsadjái dán jagi, dadjá gielda- ja guovloministtar Liv Signe Navarsete.  

Oktan lassánemiin reviderejuvvon nationálabušeahtas šaddá doarjjarámma láigiorrunsajiide leat sullii 400 milj. ruvnno jagi 2010.

- Viessobáŋku lea dehálaš dehálaš veahkkin suohkaniidda go dat galget gávdnat orrunsajiid olbmuide. Máŋgga gielddas leat menddo uhccán láigoorrunsajit olbmuide geat leat váttes dilis. Orrunsadjedoarjja lea dehálaš suohkaniidda nu ahte dat nákcejit háhkat orrunsaji eanebuidda, ja mun lean duhtavaš dasa ahte suohkanat vuoruhit daid olbmuid geaidda lea váttis háhkat alcceseaset láigoorrunsaji orrunsadjemárkanis, dadjá Navarsete. 

Orrunsadjedoarjga ohcan láigoorrunsajiide lassánii sakka jagi 2009. Nu dáhpáhuvai earret eará dannego lohhpádusrámma lassánii doaibmabidjopáhkas mii lea barggu várás. Doaibmalassáneapmi lea joatkašuvvan jagi 2010. Vuosttaš golmma mánu áiggis oaččui Viessobáŋku ohcamušaid 50 proseantta stuorát doarjjasumi ovddas go seamma golmma mánus jagi 2009.

Gielda- ja guovlodepartemeantta preassatelefovdna: 22 24 25 00.