Eanet orrundoarjja bearrašiidda geain leat mánát

2011 stáhtabušeahtas árvala ráđđehus nannet orrundoarjaga bearrašiidda geain leat mánát. Dat dahkko go lasihat orrungolu ráji bearatgottiide main leat máŋga lahttu.

– Mun lea earenoamáš duhtavaš árvalusain ahte mánábearrašat geain leat alla orrungolut galget oažžut eanet orrundoarjaga. Dát lea vuoruhuvvon joavku ráđđehusa geafivuođa eastadeami oktavuođas, dadjá gielda- ja guovloministtar Liv Signe Navarsete.

Orrungoluid mearri lassána dan ektui gallis bearrašis leat. Guovtti olbmo bearraša orrungoluid mearri sáhttá lassánit 1500 ruvnnuin jahkásaččat. Viđa olbmo bearraša orrungoluid mearri lassána 9000 ruvnnuin. Lassin dása árvaluvvo lasihit orrungoluid meari buohkaide geat Oslos orrot 2000 ruvnnuin. Seammás lassánan iežasoassi buot bearatgottiide 1600 ruvnnuin.

Orrundoarjaga njuolggadusain rievdaduvvojedje diibmá. Gaskamearálaččat mákso juohke doarjjavuostáváldái 2200 ruvdno. Dát lea sullii 8 proseanta eanet go ovdal rievdadeami. Oktiibuot ožžot badjel 125 000 Bearatgotti orrundoarjaga mánnosaččat. Dát lea 15 proseanta eanet go ovdal rievdadeami.

Ráđđehus árvala juolludit 3,83 miljárdda ruvnno orrundoarjja ortnegii 2011:s. Dat lea sullii 238 miljovnna ruvnno lassáneapmi 2010 ektui.

Gielda- ja guovlodepartemeanta preassatelefovdna: 22 24 25 00.