131 miljovnna kruvnnu guovlulaš ovdáneapmái Finnmárkkus
Historjjálaš arkiiva
Almmustahttináigodat Regjeringen Stoltenberg II
Almmustahtti: Gielda- ja guovlodepartemeanta
Stáhtabušeahtta 2012
Artihkal | Maŋimuš ođasmahttojuvvon: 27.10.2011
Ráđđehus árvala juolludit Finnmárkku fylkkagildii sullii 131,10 miljovnna kruvnnu guovlulaš ovdáneapmái.
Ráđđehus árvala juolludit Finnmárkku fylkkagildii sullii 131,10 miljovnna kruvnnu guovlulaš ovdáneapmái.
Jagi 2012 stáhtabušeahtas árvala ráđđehus lassiruhtan juolludit sullii 2,7 miljovnna kruvnnu báikkálaš -ja guovlopolitihkkii. Fylkkagielda galgá hálddašit váile 80 proseantta dáin ruđain.
Báikkálaš- ja guovlopolitihka bokte háliida ráđđehus láhčit diliid ássamii ja árvoháhkamii miehtá riikka.
- Báikkálaš ja guovlulaš ovddidangivrodat lea mearrideaddjin riikka positiiva ovdáneapmái. Danne lea dehálaš ahte gávdnojit buorit rámmaeavttut, ealáhusovdáneapmi, ja bivnnuhis báikegottiid ovdánahttit. Danne leat fylkkagielddat guovddážis dán barggus, muitala gielda- ja guovloministtar Liv Signe Navarsete.
Oppalaš juolludeamis Finnmárkui lea 18,97 miljovnna kruvnnu ráddjejuvvon gielddalaš dahje guovlulaš ealáhusfoanddaide. Ruđat galget veahkehit gielddaid dahje guovlluid gos lea unnán ealáhusdoaibma vai sii sáhttet doarjut báikkálaš ealáhusovdáneami.
5,33 miljovnna kruvnnu oppalaš juolludeamis Finnmárkku fylkkagildii galgá gokčat go stáhta searvá eurohpálaš territoriála ovttasbargui (Interreg).
Gielda- ja guovlodepartemeantta preassatelefovdna: 22 24 25 00.