Ráđđehus háliida veahkehit rávdnjerehkega máksimiin

- Ráđđehus árvala addit lassimávssu buohkaide, geat ožžot ássandoarjaga, vai dan láhkai doarjut go dál bohtet alla rávdnjerehkegat. Dan láhkai mii geiget gieđa olbmuide, geain lea heajos ráđđi, gielda- ja guovloministtar Liv Signe Navarsete dadjá.

Ráđđehus ovddidii bearjadaga ođđajagemánu 14. b. 2011 Stuorradiggái evttohusa, man mielde juolludivčče sullii 125 bearatgoddái, mat ožžot ássandoarjaga, oktiibuot 318,5 miljovnna kruvnno lassidoarjjan rávdnjerehkega várás.

-Skábmamánnu lei galbmasut go maid dat leamaš guhkes áigái ja buollašat leat bistán juovlamánnui ja ođđajagemánnui stuorra osiin riikka. Seammás leat rávdnjehattit badjánan. Dat hástala erenoamážit sin, geain lea heajos ráđđi, Navarsete dadjala.

Juohke bearatgoddi oažžu 2 500 kruvnno vuosttaš lahtus, ja vel 100 kruvnno juohke lahtus dan lassin. Ovdamearkka dihte mánnábearaš, mas leat vihtta lahtu, oažžu 2 900 kruvnno. Lassimáksu boahtá njukčamánu álggus.

Ássandoarjja lea stáhta doarjjaortnet sin várás, geain leat vuollegis boađut ja alla ássangolut.

• Tabealla. Rehkenastojuvvon ássandoarjaga lassimáksu njukčamánus 2011 gieldda ja fylkka mielde (pdf).

Suohkan- ja guovllodepartementa præssatelefåvnnå: 22 24 25 00.