50 miljovnna ruvnno Meløy suohkanii

Dárkkistuvvon našunálabušeahta árvalusas evttoha ráđđehus juolludit 50 miljovnna ruvnno nuppástuhttinruđaid Meløy suohkanii.

REC guovtti fitnodagaid heaittiheapmi Glomfjordas ja das váikkuhusaid maid dát lea dagaha eará fitnodagaide Meløy suohkanis, de suohkan oanehis áiggis lea manahan sullii 650 bargosajiid.

- Ráđđehus atná hui duođalažžan váttis dili mas suohkan lea gártan dán dihte. Mun lean danin ilus go sáhtán veahkehit ásaheames ođđa bargosajiid ja ođđa ahtanuššama suohkanis. Meløy suohkana dilli lea váttisin báikkálaš servodahkii ja maiddái ovttaskas olbmuide ja bearrašiidda geaidda dát ášši guoská, dadjá gielda- ja guovloministtar Liv Signe Navarsete.

- Ii leat vuosttaš geardde go Meløy suohkan šaddá nuppástuhttima vásihit. Suohkan lea ovdal duođaštan ahte sii nagodit ceavzit ja birgejit váttis dilálašvuođa dilis. Mun danin doaivvun ahte sii dán hávege birgejit, lohká stáhtaráđđi.

Gielda- ja guovlodepartemeanta preassatelefovdna: 22 24 25 00.