Fylkkamánnit ožžot 12 vahku meannudit huksenváidagiid

Lea dehálaš oanidit huksenáššiid meannudanáiggi. Suoidnemánu 1.beaivve 2012 rájes ožžot fylkkamánnit 12 vahku čađahit dán lágan bargguid, cealká stáhtaráđđi Liv Signe Navarsete.

Otne geavahit muhtun fylkkamánnit eanet go golbma mánu meannudit ovtta huksenváidaga. Gielddain lea jagi 2003 rájes leamaš áigemearri golbma mánu, ja fylkkamánniide ii leat leamaš mearriduvvon makkárge áigemearri lága vuođul. Huksenealáhus čujuha ahte šaddá divrrasin vuordit sivas guhkes meannudanáiggi fylkkamánnis. 

- Johtilis váiddameannudeapmi lea dehálaš, erenoamážit dán áiggi goas lea dárbu eanet ássanviesuide. Dávjá šaddá gáibideaddjin meannudit huksenváidagiid, muhto fágalaš dássi fylkkamánnis lea buorre. Danne oaivvildan ahte sii nagodit dán dahkat 12 vahkus, dadjá Navarsete.

Fylkkamánni váiddaáššiid meannudeapmi lea dehálaš riektesihkkarvuhtii. Sihke ássiide ja ealáhusaide lea mávssolaš ahte váiddaáigi lea einnostahtti.

- Mearridit guhkimus áigemearri lea buorre vuolggasadji realisttalaš plánenbargui. Go vuordingolut ja eahpesihkkarvuohta geahppánit, de eanet prošeavttat sáhttet šaddat gánnáhahtti, dadjala Navarsete.

• Reive: "Innføring av tidsfrist for klageinstansens behandling av klage i byggesak"

Gielda- ja guovlodepartemeantta preassatelefovdna: 22 24 25 00