Olmmošlohku lassána 311 gielddas

SSB jagi 2011 olmmošlogut čájehit ahte olmmošlohku stuorru Norggas. Logut čájehit ahte olbmot fárrejit iešguđet guvlui. 

Oktiibuot 430 gielddas lassánii olmmošloahku 311 gielddas (jagi 2012 rájes lea riikkas 429 gieldda). Dat lea okta gielda eanet go jagi 2010 ja – go buohtastahttá gieldda loguiguin – alimus lohku go goassige ovdal áigodagas 1951 – 2011.

Buot fylkkain lassánii olmmošlohku. Riikka smávimus 177 guovddáš gielddain lassánii olmmošlohku 97 gielddas jagi 2011. Dat lea seamma go jagi 2010, muhto lea 65 eanet go jagi 2006. Nugo guokte maŋimuš jagiid de olmmošlohku oppalohkái lassánii smávimus guovddáš gielddain.

Fárremat mannet iešguđet guvlui, nugo máddin davás, gávpogiin gilážiidda ja nuppe guvlui. Dávjá fárremat leat dássálagaid. 

- Mun illudan go olmmošlohku lassána miehtá riikka, stuorra gávpogiin ja smávva servodagain, lohká gielda- ja guovloministtar Liv Signe Navarsete.

Sisafárremat dahke sullii 70 proseantta olmmošlogu lassáneamis riikkadásis. Jagi 2011 vásihedje sullii 60 boaittobeale gieldda olmmošlogu lassáneami sisafárrema geažil.

- Mii vásihat ahte positiiva olmmošlogu lassáneapmi joatkkašuvvá miehtá riikka. Sisafárren mearkkaša olu smávva gielddaid ovdáneapmái Norggas, dadjá Navarsete.
Guovlopolitihkalaš doaibmaguovllu fárrenbadjebáza lei 6 400 olbmo, maŋŋil go 68 036 fárrejedje sisa ja 61 660 fárrejedje olggos.

Gielda- ja guovlodepartemeantta preassatelefovdna: 22 24 25 00