Viessohuksemat ovdánit bures eanaš báikkiin

- Viessohuksemat ovdánit johtilit eanaš báikkiin go olmmošlohku lassána ja viessohattit divrot. Dat lea buorre. Muhto stuora gávpogiin leat hástalusat, cealká stáhtaráđđi Liv Signe Navarsete.

Navarsete čujuha NIBR (Norgga gávpot- ja guovlodutkan instituhtta) raportii Boligbyggingens prisrespons. NIBR lea árvvoštallan movt ee. viessohattit ja olmmošlogu lassáneapmi  leat váikkuhan viessohuksemiidda maŋimuš 10 jagi.

Eanaš báikkiin leat viessohuksemat heivehuvvon johtui. Njealji stuorimus gávpogiin leamaš viessohuksemat menddo vuollin duhtadit viessodárbbuid.

NIBR čujuha maiddái áššiide mat leat hehtten viessohuksemiid stuora gávpogiin. Čilgehusat sáhttet leat heajos johtu ja viessosajiid reguleremat. Ja gielddain lea guhkes áššemeannudanáigi. Eará hehttehusat leat stáhtalaš dásis, nugo viesuid kvalitehtagáibádusat.

Huksengolut leat maiddái lassánan maŋimuš jagiid. NIBR čilgehus dása lea ahte bargobálkkát leat lassánan ja huksenealáhusas leat buvttadeamit unniduvvon.

- Lea ávkkálaš oažžut diehtit mii viessohuksemiid hehtte stuorit gávpogiin. Mun vuorddán ahte gielddain gávdnojit viessohuksenstrategiijat, ja ahte sii lágidit doarvái regulerejuvvon viessosajiid. Áiggun árvvoštallat álkidahttit huksenregeliid mat eai čuoza viesu kvalitehtii, lohká Navarsete.

Gielda- ja guovlodepartemeantta preassatelefovdna: 22 24 25 00.