Ođđa jiekŋagierdi dutkanskiipa

Ráđđehus áigu čielggadit makkár dárbu lea ođđaáigásaš dutkanskiippaide mat sáhttet doaibmat guhkkin davvin. Dakkár skiipa sáhttá háhkat dieđuid vuođđun politihkalaš mearrádusaide ja davveguovlluid hálddašeapmái. Dás lea sáhkan petroleumealáhusa ja guolástusealáhusa ovddideapmi, ja maiddái davveguovlluid birrasa, dálkkádaga ja resurssaid bearráigeahčču ja buoret ipmárdus.

Davi áhpeguovllut leat máilmmi deaŧaleamos borramušáiti, ja seammás dáid guovlluid lea hui álki billistit. Árktis lea čoavddaguovlu, go erenoamážit dán guovllu áitet lulit guovlluid nuoskkideamit, mat čoagganit dasa.

Dárbu lea viidát kártet davveguovlluid geologalaččat. Go livččii máŋggadoaimmat skiipa mii sáhttá boltut gassa jieŋaid ja bohkat čoahkásiid ja čoaggit seismihka, de dat sáhtášii leat stuorra ávkin geologalaš kártemii. Dat doalvvošii Norgga njunnošii dákkár iskkademiid dáfus davvin. Ođđa dutkanskiipa livččii maid deaŧalaš oahpaheapmái ja oahpahussii.

Norgalaš dutkanskiipasuvdosii gullet 12-14 skiippa. Máŋga skiippa leat ođđasis heivehuvvon ovddeš guolástus- ja bivdofatnasat. Njeallje skiippa šaddet leat badjel 30 jagi boarrásat go jahki 2010 dievvá.

Vuđolaš plánenproseassa ferte čađahuvvot ovdalgo lea vejolaš loahpalaččat mearridit ahte skiippat galget huksejuvvot. Dan oktavuođas fertejit norgalaš plánat buohtastahttojuvvot eará riikkaid plánaiguin.

Proseassabáikin galgá leat Guolástus- ja riddodepartemeanta, ja proseassa ferte čađahuvovt ovttas Birasgáhttendepartemeanttain, Oljo- ja energiijadepartemeanttain ja Máhtto­departemeanttain.