Eambbo ruhta jiekŋa- ja oljogáhttenakšuvdnii
Historjjálaš arkiiva
Almmustahttináigodat Regjeringen Stoltenberg II
Almmustahtti: Guolástus- riddodepartemeanta
Preassadieđáhus | Nr: 30/2010 | Almmustahtton: 11.05.2010 | Maŋimuš ođasmahttojuvvon: 14.05.2010
Ráđđehus evttoha juolludit 10 miljovnna ruvnno Kystverketii daid erenoamáš lassigoluid geažil mat leat leamaš jiekŋačuollamiid geažil 2010 dálvvi. Loahpahan dihte buhtistanbargguid “Full City” vuodjuma maŋŋel, evttoha ráđđehus juolludit vel 34 miljovnna ruvnno 2010 reviderejuvvon bušeahtas.
Ráđđehus evttoha juolludit 10 miljovnna ruvnno Kystverketii daid erenoamáš lassigoluid geažil mat leat leamaš jiekŋačuollamiid geažil 2010 dálvvi. Loahpahan dihte buhtistanbargguid “Full City” vuodjuma maŋŋel, evttoha ráđđehus juolludit vel 34 miljovnna ruvnno 2010 reviderejuvvon bušeahtas.
2010 dálvvi lea leamaš guhkes ja bistilis buolašáigodat Østlánddas. Jiekŋa Oslovuonas lea dagahan ahte leat šaddan láigohit rusttega mii čuollá jieŋaid guovllus vai váldo-/oalgejohtalusa bissu rabas. Baldot leat dasa lassin vahágahttan navigašuvdnarusttegiid. Ráđđehus árvala dan dihte juolludit 10 miljovnna ruvnno Kystverketii gokčat daid lassigoluid mat leat leamaš jiekŋačuollama ja divodemiid geažil.
MV “Full City” vuojui suoidnemánu 31. beaivvi 2009 Langesund olggobealde. Skiippas golggai olju ja dagahii oljovahágiid rittus. Go viiddis buhtistanbarggut gaskkalduvve skábmamánu loahpageahčen, de ledje čohkkejuvvvon birrasiid 2 600 tonna oljonuoskkiduvvon bázahusat. Oljogáhttenbargu jotkojuvvo 2010 giđa. Oppalaš akšuvdnagolut leat árvvoštallojuvvon 234 miljovdna ruvdnui, mas 200 miljovnna ruvnno juolluduvvui 2009:s. Buhtistanbarggut leat juo álggahuvvon, ja mihttu lea geargat buhtistemiin geasi mielde. 2010 reviderejuvvon bušeahta oktavuođas ovddiduvvo evttohus juolludit 34 miljovnna ruvnno lassijuolludeami.
Gulahallanolmmoš:
Preassavákta 22 24 66 99