Árvala nannet mearradoallobearráigeahču

Ráđđehus árvala lasihit juolludeami Guolástusdirektoráhttii sullii  10 miljovnna ruvnnuin áhpedoallobearráigeahču nannema dihte. Dat mearkkaša ahte birasbeali áhpedoalloealáhusas nannejuvvo.

Guolástusdirektoráhta bearráigeahččandoaibma galgá nannejuvvot, earenoamážiid biohivvodaga dárkkisteami ja gárgideami oktavuođas. Juolludeapmi galgá adnot dasa ahte buoridit biohivvodaga dárkkisteami rusttegiin vai sihkkarastet ahte gáržžideamit mat leat mearriduvvon ja gullet buvttadeapmái ja birrasii eai rihkkojuvvo. Dehálaš oassin dán nannemis lea maiddái viidáset ovdánahttit elektrovnnalaš vuogádaga dieđuid čohkkema várás.

–Biraslaš ceavzilvuohta lea eaktun jus galgat olahit guhkitáiggi ahtanuššama áhpedoalloealáhusas, dadjá guolástus- ja riddoministtar Lisbeth Berg-Hansen.

Guolástusdirektoráhtta galgá maiddái bidjat eanet návccaid gozohit rusttegiid vai eastadit gárggiideami. Dát guoská sihke rusttetteknihkalaš ja doaibmateknihkalaš riskabeliide.

Áŋgiruššan mearkkaša ahte Riikkadárkkástusa hálddašandárkkástus áhpedoalloealáhusas čuovvoluvvo.