Digaštalle guolástusárvalusa Eurohpá parlameanttain

Guolástus- ja riddoministtar Lisbeth Berg-Hansen:s lei čoahkkin Eurohpá parlameantta guolástuskomitéain ja politihkalaš ságastallamat EO guolástuskomisearain Maria Damanaki:n cuoŋománu 24.beaivvi.

Berg-Hansen lea dán váhkus Brusselis ságaškuššamin Norgga ja EO guoskevaš guolástus- ja mearraborramušsuorggi dehálaš oktasaš hástalusaid.  Guolástus- ja riddoministtar lea maid guoimmuhan Norgga čájeheddjiid eurohpálaš mearraborramušdoaluin (European Seafood Exposiotion) ja son áigu maid ságastit Skottlándda guolástusministariin Richard Lockhead:n.

-Norga lea stuorra mearraborramušnašuvdna ja EO lea min deháleamos márkan mearraborramuššii. Olles 20% EO olgoriikkabuvttus boahtá Norggas.  Barentsábis lea mis dál máilmmi stuorimus dorskehivvodat, ja sivvan dasa lea vástideaddji hálddašeapmi huksejuvvon ovdalgihtii várrugasvuođa prinsihpaid ala. Dán oaidnit maiddái eará riikkain, ja Brusselis lea stuorra beroštupmi Norgga hálddašančovdosiidda, cealká Berg-Hansen, gii geavahii mealgat áiggi dán áššái parlameanttas.

Norggas ja EO:s lea ovttas mearkkašahtti mearkkašupmi guolástushálddašeamis máilmmiviidosaččat. Goappašiid čoahkkimiin ledje ságaškuššamat  EO oktasaš guolástuspolitihkalaš ođastusa, mearraborramuša gávppašeami ja guolástushálddašeami birra.

-EO lea dál ođasteamen iežaset oktasaš guolástuspolitihka.  Mun lean dovddahan ahte doarjjun ollásit EO guolástuskomiseara Damanaki ja su árvalusa gieldit guliid bálkumiid, nu go mis lea Norggas.  Dát lea dehálaš ášši ja mun sakka liikon go mus lea nu buorre gulahallan komisearain Damanaki:n ja Eurohpá parlameantta guolástuskomitéain, dadjá Berg-Hansen.