Ráđđehus evttoha 20 miljovnna investerendoarjaga Nuõrttasaa'mi mu'zei Njávdámis. Dasa lassin evttohuvvo ovtta miljon kruvnno doarjja cegget muitobácci Várggáide sidjiide geat dubmehalle noaiddástallan.

- Dáinna juolludemiin sáhttá viimmat huksegoahtit Nuõrttasaa'mi mu'zei boahtte geasi. Nuortasámi kultuvrra ja historjjá ođđa musea addá ođđa vejolašvuođaid gaskkustit ja ovddidit dán kultuvrra. Musea šaddá maid mávssolaš ránnjáoktavuođaide davviguovlluin, dadjá kultur- ja girkoministtar Trond Giske.

Sámedikkis galgá leat váldoovddasvástádus doibmet Nuõrttasaa'mi mu'zei.

Finnmárkkus lassánit juolludeamit maiddái eará museaide dán jagáš bušeahttaevttohusas: Várjjat Sámi Musea ja Museat riddokultuvrra ja ođđasithuksema várás nannejuvvojit goabbáge 0,5 miljovnna kruvnnuin. Alttá musea ja Mátta-Várjjat Musea – Grenselandsmuseet ožžot 0,1 miljovnna kruvnno lassáneami.

Stellaris Danseteater oažžu bušeahttaevttohusas lassáneami 0,3 miljovnna kruvnno.

- Ráđđehusa ulbmil lea ovddidit guovlluid kultureallima vai ovdána máŋggabealátvuohta ja ođasmahttin Norggas, ja danne mii nannet doarjagiid kulturinstitušuvnnaide Finnmárkkus, dadjá kultur- ja girkoministtar Trond Giske.