Finnmárkku kulturbušeahtta:
Eambbo sámi kulturulbmiliidda
Historjjálaš arkiiva
Almmustahttináigodat Regjeringen Stoltenberg II
Almmustahtti: Kultur- ja girkodepartemeanta
Preassadieđáhus | Nr: 193/09 | Almmustahtton: 13.10.2009
2010 stáhtabušeahtas lassána juolludus sámi kulturulbmiliidda 10 miljovnna kruvnnuin. 3,3 miljovnna manná Sámedikki vuollásaš kulturulbmiliidda, mii ollislaččat oažžu 65 miljovnna kruvnno 2010:s.
Davvi-Norgga Opera ja Symfoniijaorkestera juolludus lassána 10,2 miljovnna kruvnnuin. Davvi-Norgga riikaguovlomusihkkariid (Landsdelsmusikerne i Nord-Norge) juolludus lassána 1 miljovnna kruvnnuin nu ahte ollislaš juolludus šaddá veahá vuollel 17,2 miljovnna kruvnno. Dát doaibmabijut bohtet maiddái Finnmárkui buorrin. Juolludus Stellaris Dánsunteáhterii evttohuvvo lasihuvvot sullii 4 miljovnna kruvdnii.
Riikkaidgaskasaš sámi filbmaguovddáš oažžu 500 000 kruvnno eambbo guovllu filbmaruhtapoasttas, ja davviguovlludoaimmaid juolludus lassána 5 miljovnnas 9 miljovnna kruvdnii 2010:s.
Kultur- ja girkodepartemeantta bušehta ollislaš juolludus Finnmárkui 2010:s lea sullii 33,4 miljovnna kruvnno.
|
Doaibma Buot logut 1000-kruvdnon |
Mearrádus 2009 |
Rievdadus |
Evttohus |
|
Riikkaidgaskasaš sámi filbmaguovddáš |
1 500 |
500 |
2 000* |
|
Davvi-Norgga riikaguovlomusihkkarat |
16 163 |
1 000 |
17 163 |
|
Davvi-Norgga Opera ja Symfoniijaorkester |
26 092 |
10 231 |
36 323 |
|
Davviguovllodoaimmat, dás maiddái Norgga-Ruošša kulturovttasbargu (juolludus iešguđet doaimmaide golmma davimus fylkkas) |
5 000 |
4 000 |
9 000 |
|
Sámi kulturulbmilat Sámedikki vuolde |
61 993 |
3 360 |
65 353 |
|
|