Anniken Huitfeldt nammaduvvui Kultur- ja girkodepartemeanta stáhtaráđđin ja njunušin golggotmánu 20. beaivvi 2009. Ovdal lei son stáhtaráđđi Mánáid ja dásseárvodepartementtas guovvamánus 2008:is golggotmánu 2009 radjái. Anniken Huitfeldt lea jagi 2005 rájes leamaš Akershusa Bargiidbellodaga stuorradiggeáirras, ja lei sadjásaš áirras áigodagaid 2001-2005 ja 1993-1997. Son barggai dutkin Forskningsstiftelsen Fafo nammasaš dutkanvuođđudusas áigodaga 2000-2005. Huitfeldt lei AUF jođiheaddji jagiid 1996-2000, ja lea jagi 2007 rájes leamaš Bargiidbellodaga nissonfierpmádaga jođiheaddji. Son logai Oslo universitehtas ja oaččui cand. philol. gráda jagi 1996, mas ledje historjá váldofága, stáhtadieđa ja geografiija, ja son logai London School of Economics nammasaš oahpahusásahusas áigodaga 1992-1993.

Oahppu:
1993-1996 Historjjá váldofága, Oslo universitehta 
1992-1993 Geografiija vuođđofága, London School of Economics
1989-1992 Stáhtadiehtaga ja historjjá vuođđofága, Oslo universitehta
1985-1988 Jessheima joatkkaskuvla

Politihkalaš luohttámušdoaimmat:
2008-2009 – Mánáid- ja dásseárvoministtar
2007- Bargiidbellodaga nissonfierpmádaga jođiheaddji
2005- KUF-lávdegotti vuosttas sadjásašjođiheaddji
2005- Bargiidbellodaga joavkostivrra lahttu  
2002- Bargiidbellodaga guovddášstivrra lahttu

Ovddeš luohttámušdoaimmat:
Akershus AUFa fylkkačálli jagiid 1988-1989
Forskningsstiftelsen Fafo dutki jagiid 2000-2005
Ullensaker AUFa jođiheaddji jagiid 1985-1988
Akershus AUFa stivralahttu jagiid 1986-1990
AUFa riikkastivrra lahttu áigodaga 1990-1994, sadjásaš jođiheaddji áigodaga 1994-1996, jođiheaddji áigodaga 1996-2000
Foreningen Nordens Sosialistiske Ungdom nammasaš organisašuvnna presideanta jagi 2000
International Union of Socialist Youth nammasaš organisašuvnna várrepresideanta jagiid 2000-2001
Norges Gymnasiastsamband (NGSa) riikkastivrra lahttu jagiid 1987-1988
Redd Barna stivralahttu jagi 2001 rájes
Norsk organisasjon for asylsøkere (NOASa) stivralahttu jagiid 2003-2005
Falstadsenteret nammasaš ásahusa stivralahttu áigodaga 2000-2005
Ullensakera dásseárvolávdegotti lahttu jagiid 1987-1991
Akershusa skovlastivrra oahppiidovddasteaddji jagiid 1986-1988
Akershusa skuvlalávdegotti lahttu jagiid 1989-1995
Dábálaš fágasurggiid lávdegotti lahttu áigodaga 1987-1989
Boligutvalget nammasaš lávdegotti lahttu jagiid 2000-2002 (NOU)
Vuođđooahpahusa kvalitehtalávdegotti lahttu jagiid 2001-2003 (NOU)

Bargoduogáš:
Akershus AUFa fylkkačálli áigodaga 1988-1989
Forskningsstiftelsen Fafo dutki áigodaga 2000-2005