Oljo- ja energiijadepartemeanta juohká odne ođđa bohkanlobiid 19. konsešuvdnavuorus. 17 fitnodagat ožžot fálaldaga oassálastit 13 ođđa bohkanlohpái. Fotnodagaide fállojuvvo oassálastit oktiibuot 33 blohkas dahje blohkkaosiin.

-Barentsáhpi lea váldoguovlu 19. konsešuvdnavuorus. Otná juohkin lea dehálaš lávki barggus mas guovllu guorahallan lea dahkkon guhkit áigái. Beroštumi davviguovlluide maid mii leat oaidnán maŋemus jagiid, oktan 19. konsešuvdnavuoru juogademiin ja hálddašanplána meannudemiin, de lea Barentsábis ođđa áŋgiruššan dál. Munnje lea gelddolaš oaidnit boahttevaš jagiid bohkanbohtosiid, dadjá oljo- ja energiijaministtar Odd Roger Enoksen.

–Maiddái juogaduvvon guovllut Norggaábis leat miellagiddevaččat, ja sáhttet leat buorrin veahkkin ain guorahallat dán petroleumprovinssa, dadjá stáhtaráđđi.

Čuovvovaš fitnodagaide fállojuvvo ohcanlohpi (operatevrraid lohku/ oktiibuot bohkanlobit ruođuid siste):
BG Group (5/8), ConocoPhillips (0/1), DNO (0/1), Gaz de France (0/2), Idemitsu (0/2), Norsk Hydro a.s (2/2), Noreco (0/1), Revus Energy (0/1), RWE Dea (0/3), Statoil ASA (3/5), Total (1/2), Discover Petroleum (0/1), ChevronTexaco (0/1), Amerada Hess (0/2), Eni Norge (0/1), Norske Shell (1/1) og Talisman (1/1).

Dasa lassain leat váldojuvvon SDØE-ossosat (stáhta njuolgga ekonomalaš doaimmat) viđa bohkanlobis.

- Almmuhuvvon blohkain olggobeali Møreriddu lean mun válljen ahte in juoge bohkanlobiid dán vuorus. Dát leat guovddáš blohkat sihke guolástusberoštusaide ja petroleumfágalaš oaidninbealis. Danne mu mielas lea dehálaš vuđolaččat smiehtadit ovttasbirgema vejolašvuođaid sihke guolástussii ja petroleumdoibmii ovdalgo juogaduvvojit bohkanlobit dás, jus galggaš addot. Nu daddjon ovttasbirgen-joavku dahká guorahallama, dadjá oljo- ja energiijaministtar Odd Roger Enoksen.

Biras- ja guolástuseavttut mat biddjojedje 19. konsešuvdnavuoru almmuheami oktavuođas leat fárus bohkanlobiin. Dasa lassin lea, hálddašanplána konklušuvnnaid mielde, eaktuduvvon ahte ii leat lohpi ohcanbohkama dahkat oljodoalvu gerddiin áigodagas njukčamánnu 1.b. – borgemánnu 31.b. dain blohkain mat leat siskkobealde 65 kilomehtara vuođđulinjá rájis Barentsábis.

Kárta mas oaidná juogademiid 19. konsešuvdnavuorus www.oed.dep.no

Hálddašanrámmat petroleumdoaimma várás

Ollislaš hálddašanplána Barentsábi várás meannuduvvui stáhtaráđis odne.

- Hálddašanplána bargguin lea guhká ja vuđolaččat bargojuvvon ja oallut guorahallamat leat dahkkojuvvon áššis. Barggu bohtosat addet ráđđehussii vuođu lágidit boahtteáigásaš ja dohkálaš luondduresursaid geavaheami davviguovlluin, dadjá oljo- ja energiijaministtar Odd Roger Enoksen.

-Iešguđet ealáhusberoštusat leat dássádatlaččat siskkobealde ceavzilis ovdáneami rámmaid ja vuhtiiválddidettiin ekosystemavuđđosaš resursahálddašeami. Petroleumdoibmii mearkkaša dát ahte Bárentsábi rámmaeavttut dál leat ovdalgihtii dihtosat. Dán vuođul sáhttá beaktilit ja guhkit áigái iskat petroleumresursaid dán áhpeguovllus, dadjá stáhtaráđđi Enoksen.

Ráđđehusa konklušuvnnat petroleumdoaimma hálddašanplánas: www.smk.dep.no

-Dálá bohkanlobiin leat iešguđetlágan bohkanráddjehusat barentsábi juogademiin. Ođastuvvon máhtuid vuođul ja ollislaš árvvoštallama vuođul mii lea dahkkon, áigut mii čorget dáid beliid. Dát iešguđetlágan bohkanáigeráddjehusat leat leamaš hástalussan dasa mii guoská bohkanrusttegiid optimála geavahussii. Danne hálddašanplána lea buorrin gáržžes dilis oljobohkanrusttetmárkanis, dadjá oljo- ja energiijaministtar Odd Roger Enoksen.