Maŋásmáhcaheapmi: Ráđđehus sihkkarasta almmolaš oamasteami čáhcefápmui

- Lea stuorra ja deaŧalaš ášši ráđđehussii ja Norgii. Otná mearrádusain doalahuvvo maŋásmáhcahanortnet ja min energiijaresurssat bissot álbmoga hálddus. Mii leat čuovvoleame deaŧalaš čuoggá Soria Moria-julggaštusas, lohká oljo- ja energiijaministtar Odd Roger Enoksen.

- Dakká viđe doibmiibidjamiin lea odne mearriduvvon gaskaboddosaš ortnet man geažil  maŋásmáhcahanortnet vástida EFTA-duopmostuolu dupmui ja EEO-šiehtadussii. Ortnet nanne vuođđoprinsihpa ahte almmolaš oamastus riikka čáhcefápmo-ressurssaid dáfus stáhta, fylkkagieldda ja gieldda dásis galgá jotkojuvvot. Eai addo šat konsešuvnnat priváhta doaimmaheddjiide háhkat gorže ja fápmorusttegiid. Priváhta sáhttet ain eaiggáduššat gitta goalmmádasoasi fámorusttegiin main leat almmolaš eaiggádat, lohká stáhtaráđđi Enoksen.

Geassemánu loahpas mearridii EFTA-duopmostuollu ahte Norgga vuohki čađahit maŋásmáhcahannjuolggadusaid vuosttilda EEO-šiehtadusa.Otná mearrádusain oaidná ráđđehus dainna lágiin ahte norgga riekti vástida EEO-šiehtadussii. Ulbmil gaskaboddosaš ortnegiin lea ahte riikka čáhcefápmoresurssat galget gullat álbmogii ja háddašuvvot buorrin buohkaide. Almmolaš oamasteami ortnegiin eai addo šat konsešuvnnat prváhta doaimmaheddjiide háhkat gorže  ja fápmorusttegiid. Lea vejolaš vuovdit gitta goalmmádasoasi čáhcefápmo- fitnodagain eaiggádiidda mat eai rehkenasto leamen almmolaččat.

- Ráđđehus sihkkarasta otná mearrádusain dássevuođa ja vuorddehahttivuođa, ja eastada  juonalašvuođa fápmosuorggis. Gaskaboddosaš ortnega mearridemiin addá ráđđehus Stuorradiggái áiggi gieđahallat bistevaš lága. Viidáseappot barggus ovddolsguvlui čađahuvvojit dárkilis čielggadeamit ja doahttalahtti gulaskuddanvuorru mii sihkkarasta doarvái gieđahallama ovdal go láhka mearriduvvo loahpalaččat, lohká Enoksen.
-Mun lean hui duhtávaš go leat gávdnan ortnega mii sihkkarasta ahte okta min deaŧaleamos ođasmahtti  resurssain bissu álbmoga hálddus. Mii doalahit almmolaš eaiggáduššama stáhta, fylkkagieldda ja gieldda dásis, ja sihkkarastit ahte almmolaš fápmorustteteaiggádiidda ágibeaivvi vuoigatvuođaid čáhcefápmui, loahpaha stáhtaráđđi Odd Roger Enoksen.

Čájáhus maid stáhtaráđđi Enoksen doalai preassakonferánssas pdf.

Almmolaš čáhcefápmooamasteami gaskaboddosaš ortnet.

Pressekonferánssa sáhtát oaidnit báddejuvvon neahtta-tvs dás.
_____________________
Ortnet ii guoskka fápmohuksemiidda vuollel 4000 luondduheastafámu.
Geahčá maiddái NČE’a (NVE) artihkkala ráđđehusa biehttaleami priváhta oamastuvvon fápmorusttegiidda ii váikkut bearehaga smávva fápmorustteggiidda.