Alla dietnasat ja joatkkaáŋgiruššan Petroleum-suorggis

Stáhta netto Petroleum-suorggi reaidanjoarru lea 2013 nationálabušeahttas 2012 doaibmajahkái meroštallojuvvon lagabui 391 miljárdda ruvdnui. Reaidanjoarus dagaha vearru ja divat sullii 233 miljárdda ruvnno. Stáhta njuolga ekonomalaš beroštupmi (SNEB) mearkkaša sullii 144 miljárdda ruvnno ja vuoitu Statoil doaimmas lea 13,9 miljárdda ruvnno.

Stáhta netto reaidanjoarru lea jagi 2012 lassánan sullii 8 miljárdda ruvnnuin dan ektui maid 2012 Nationálabušeahtas ledje meroštallan. Dat mii dan vuosttažettiin dagaha lea ahte 2012 vurdojuvvon gássahaddi lea muddejuvvon. Meroštallojuvvon oljohaddi unnánaččat rievdá 2012 Nationálabušeahta rájes, ja 2012 meroštallojuvvon oljohaddi lea 650 ruvnno juohke oljofárpalis (2013 bistevaš ruvnnomearri).

- Petroleum-ealáhus lea Norgga deháleamos ealáhus, ja dagaha ain alla dietnasiid stáhtii mat dasto bohtet ávkin olles riikii. Dat dagahit vejolažžan áimmahuššat bargosajiid ja  dagahit maiddái  stuorra vejolašvuođaid Norgga lágideaddjiindustriijii mii lea allagelbbolaš ja riikkaidgaskasaš gilvonávccalaš  ealáhus, dadjá oljo- ja energiijaministtar Ola Borten Moe.

Jagi 2012 meroštallojuvvo ahte Petroleum-ealáhusas čađahuvvojit háhkamat sullii 174 miljárdda ruvnno ovddas.

- Stuorra oassi dálá háhkamiin čađahuvvojit danin vai lea vejolaš sihkkarastit buvttadeami dálá bohkanguovlluin ja smávit bohkanguovlluin mat dárbbašit dálá infrastruktuvrra. Dát lea nu buorre resursahálddašeapmi  ahte lea dárbun čađahit háhkamiid bohkamis dáid valljodagaid dan bále go dát infrastruktuvra ain lea olámuttos, cealká oljo- ja energiijaministtar Ola Borten Moe.

Jagi 2012 beaivválaš oljobohkan meroštallojuvvo leat sullii 1,7 miljovnna gári, seammás go NGL ja golgigása buvttadeapmi dagaha sullii 0,3 miljovnna gári beaivválaččat. Jagi 2012 vurdojuvvon gásabuvttadeapmi meroštallojuvvo leat váile 107 miljárdda standárda guđahasmehtera (Sm3).

- Gássabuvttadeapmi vurdojuvvo lassánit ovddasguvlui, seammás lagamus jagiid njalbebuvttadeapmi čájeha dássedis ovdáneami. Dát dattetge eaktuda stáđisvuođa ealáhusas ja ahte aktiivvalaččat bargat dálá bohkanguovlluin. Sihkkarastimis ahte duohtandahkat árvovejolašvuođaid stealládagain de fertet ain joatkit huksemis valljodatgávdnostumiid, ja čađahit aktiiva guorahallama rahppojuvvon bohkanguovlluin ja ahte álggahuvvon rahpanproseassat čađahuvvojit.

2011 resursarehketdoalus Norgga stealládagain Petroleum-valljodagaid árvu meroštallojuvvo leat sullii 80,5 miljárdda gári oljoovttadagat. Dain lea sullii 60 proseanta maid eat leat bohkan. Ná guhkas dán jagi (čakčamánu 26. beaivái) de leat álggahuvvon 28 ohcanbáikki main leat máŋga gánnáhahtti gávdnostumit.