Čielga rámmat energiijapolitihkas

Bušeahttaproposišuvnnas lea sierra oassi mas ráđđehus čilge energiijapolitihka árvodássi. Das ovdanboahtá ahte ráđđehusas lea viiddis energiijapolitihkka, ja ahte áŋgiruššama rámmat dál leat mearriduvvon earret eará dáid váldočuoggáid bakte:

• Ahte lea ásahuvvon oktasaš elektrisitehta duođašteami márkan Ruoŧain
• Ahte leat ovddidan doaibmaplána ođasmahttingohččosa váste
• Ahte Neahttadieđáhusa bakte leat mearridan politihka huksemiidda ja ođđasis háhkamiidda guovddáš sirddihanfierpmádagas.
• Ahte konsešuvdnameannudeapmi lea nannejuvvon

- Rámmaeavttut mearkkašahtti háhkamiidda lea dál doaimmas. Mii dál govdadit áŋgiruššat doaibmabijuid viidát surggiin vai sihkkarastit beaktilis, nana ja birasustitlaš energiijafálu, dadjá stáhtaráđđi Ola Borten Moe.

Konsešuvnnameannudeami nannen earret eará lassi áššemeannudannávccaiguin ja njuolggadusaid hábmema bakte lea dagahan ahte juolluduvvon konsešuvnnaid lohku maŋimus jagiid lea bures lassánan. Ráđđehus áigu joatkit nannemis konsešuvnnaid meannudeami áššiid garraset vuoruheami, ja ollislaš ja guovlulaš lahkanaddama bakte.

Viidáset lea Ráđđehus ovddidan strategiija ja lága ođasmahtti energiijabuvttadeami birra ábis. Oassin strategiija čuovvoleamis de leat čujuhan guovlluide mat sáhttet heivvolačča áhpevuođustuvvon bieggafápmui. Ráđđehusas lea áigumuš almmuhit ođđa guovlluid áhpebieggamilluid huksema várás. Huksema vuođđun galget leat bieggafámuid márkanhattit ja elfápmodohkkehusa dietnasat.

- Ráđđehus deattuha ja vuoruha DjO (Dutkama ja Oahpahusa) ja gealbohuksema áhpebiekka suorggis, ja áigu danin dáinna joatkit vai vuolidit goluid ja dagahit áhpebiekka gilvonávccalaš eará teknologiijaid ektui, lohka oljo- ja energiijaministtar Ola Borten Moe.

Dákko bakte dohkkeha ráđđehus maiddái Energiijalávdegotti raportta (NAČ 2012:9 Energiijačielggadeapmi – árvoháhkan,bieggafápmolágádusa sihkarvuohta ja biras). Energiijalávdegoddi ovddidit árvalusastit 2012 njukčamánu 5. beaivvi. Čielggadeapmi lea leamašan almmolaš gulaskuddamis.