Ruoná dálkkádatfoandda gaskaboddasaš lávdegotti maŋimuš čoahkkin
Historjjálaš arkiiva
Almmustahttináigodat Regjeringen Stoltenberg II
Almmustahtti: Ruhtadandepartemeanta
Ođas | Almmustahtton: 20.10.2011 | Maŋimuš ođasmahttojuvvon: 17.11.2011
Maŋimuš čoahkkin lágiduvvui Cape Townas maŋŋebárgga eahkeda. Doppe stáhtačálli Kjetil Lund ja máttaafrihkálaš plánenministtar Trevor Manuel ovddideigga kompromissa, mas árvalit man láhkai Ruoná dálkkádatfoanda hábmejuvvo ja ásahuvvo. Árvalus lea viiddis kompromissa ovdánahttin- ja industriijariikkaid gaskka, ja árvalusa dohkkehedje buot riikkat earret Saudi-Arábia ja USA.
Maŋimuš čoahkkin lágiduvvui Cape Townas maŋŋebárgga eahkeda. Doppe stáhtačálli Kjetil Lund ja máttaafrihkálaš plánenministtar Trevor Manuel ovddideigga kompromissa, mas árvalit man láhkai Ruoná dálkkádatfoanda hábmejuvvo ja ásahuvvo. Árvalus lea viiddis kompromissa ovdánahttin- ja industriijariikkaid gaskka, ja árvalusa dohkkehedje buot riikkat earret Saudi-Arábia ja USA.
- Dáinna kompromissaárvalusain máilbmi oažžu beaktilis dálkkádatfoandda, mii earret eará ruhtaduvvo bohtosiid vuođul, ja mas priváhta suorggi oččodit fárrui johttáhit ovdánahttinriikkaid ruoná ekonomalaš ovdáneami ja nuoskkideami geahpedeami. Seammás dat sihkkarastá ruđaid heivehandoaimmaide daid ovdánahttinriikkain, maidda dálkkádatrievdadusat čuhcet, stáhtačálli Lund dadjala.
Árvalus sáddejuvvo dál raportan Durbana dálkkádatkonferánsii (COP-17), mas dan digaštallet viidáseappot ja vejolaččat dohkkehit.
- Lea šállu go eat geargan bargguin, go leimmet nu guhkás joavdan, muhto bargu ii leat dahkkojuvvon duššás. Jáhkán, ahte leat ovtta oaivilis Durbanis juovlamánus, ja ahte čoavddus vuođđuduvvá min kompromissaárvalussii, stáhtačálli Lund dadjala.