Árvala nannet Báŋkkuid sihkarastinfoandda

Ruhtadandepartemeanta lea sádden gulaskuddamii árvalusa, mas evttohit nannet Báŋkkuid sihkarastinfoandda kapitála. Árvalus mielddisbuktá, ahte báŋkkut galget máksit fondii divada juohke jagi, geahčakeahttá foandda sturrodahkii. Dálá sihkarastinfoandda sturrodagas lea geavadis bajit rádji.

Dán áigge eai gáibit divada báŋkkuin, mat leat Báŋkkuid sihkarastinfoandda lahtut, go foanda lea stuorát go mii lágas mearriduvvo foandda sturrodaga unnimus gáibádussan. Divat ii ovdamearkka dihte máksojuvvon 2011 iige 2012. Daid jagiid, go báŋkkut leat máksán dievas divada sihkarastinfondii, de leat máksán oktiibuot sullii 1,7 miljárdda kruvnno divadin.

– Jos sihkarastinfoandda sturrodaga bajit rádji heaittihuvvo, de sáhttá foandda stuoridit nu, ahte dat buorebut nagoda dustet váttisvuođaid, mat čuožžilit ovttaskas stuorra báŋkkuin, ja váttisvuođaid, mat bohciidit ollu báŋkkuin oktanis. Sihkarastinfoandda kapitála lea maid mávssolaš dan dáfus, ahte dat nanne luohttámuša norgga sisabidjodáhkádusortnegii, ruhtadanministtar Sigbjørn Johnsen dadjala.

Gulaskuddancealkámušaid buktináigemearri lea borgemánu 6. b. 2012.

Loga maiddái:

• Gulaskuddanreivve