Elektrovnnalaš vearrokoarttat

Ráđđehus árvala ásahit elektrovnnalaš vearrokoarttaid. Árvalus álkidahtášii vearrokoarttaid doaimmaheami bargoaddiide, vearromáksiide ja Vearroetáhtii.

Dán áigge Vearroetáhta sádde vearrokoartta vearromáksái, gii dasto doaimmaha dan bargoaddái. Ođđa ortnegis bargoaddi lea geatnegas viežžat bargiidis elektrovnnalaš vearrokoartta njuolga Vearroetáhtas. Bargoaddi galgá viežžat ođđa vearrokoartadieđuid juohke bálkámáksima oktavuođas.

Vearrokoartta sajis vearromáksi oažžu vearrogeassindieđáhusa boahtojagi álggus ja dasto jos dat rievdaduvvo jagi áigge. Vearrogeassindieđáhusas almmuhuvvo man ollu rehkenastet, ahte galgá geassit vearu, man vuođul dat rehkenastojuvvo ja guđe bargoaddit leat viežžan vearromáksi vearrokoartta. Daid dieđuid vearromáksi maid beassá oaidnit elektrovnnalaš bálvalusa bokte.

Ovddalgihtii vearuheami vuogádat ii rievdaduvvo. Rievdaduvvo dušše mo vearrokoarttaid doaimmahit ja meannudit ovddalgihtii vearuheami oktavuođas. Ráđđehus árvala 2013 gaskaboddasaš jahkin, goas bargoaddit besset eaktodáhtolaččat geavahit ođđa ortnega, ja ahte ortnet šaddá bákkolažžan boahtojagi 2014 rájes.