Moarmesmáno 8. biejve ávvudallam

Majestehta Gånågis Harald biejaj uddni kránsav Nasjonálmonumenntaj Akershus lanen, ja guddnedahtij dajt vuonagijt gudi 2. væráltdoaron fællin.

Moarmesmáno 8. biejvve le Vuona friddjabessambiejvve. Dat le aj dat biejvve gå ietjama veteránajt ja sijáj bargov Vuona åvdås guddnedip. Badjel 100.000 vuonaga li dievnastam badjelasj 100 rijkajgasskasasj operasjåvnåjn ienep gå 40 lándan.

Stáhtaminisstar Jens Stoltenberg hålaj kránssabiedjama åvddåla. Guoskadij hålanis suodjalusá dåjmav 2. væráltdoaro ájge, ja rijkajgasskasasj operasjåvnåjt dálásj ájge. Gijtij veteránajt, sijá fámiljajt ja lagámusájt.

- Mijá åvdåsvásstádus le aj veteránaj bargov låggŋit. Berustit le sæmmi dagu rámmpot, javlaj stáhtaminisstar Jens Stoltenberg hålanis.

Kránssabiedjama maŋŋela oassálasstin Majestehta Gånågis, stáhtaminisstar ja gåhtjodum guosse INTOPS-vuosádusá rahpamij Suodjalusdávvervuorkán.

Friddjabessam- ja veteranbiejvve ávvudaláduvvá ráddidusás oajvveásadusájn Oslon aktan bájkálasj ásadusá lándav miehtáj.

• Stáhtaminisstara hålla
• Gåvå Akershus lane seremonias (Flickr)
• Gehtja seremoniav dánna