Nuppástusat ráđđehusas

Gonagas lea sierra stáhtaráđis odne nammadan stuorradiggeáirasa Lars Peder Brekk (52), gii lea Rørvik nammasaš báikkis eret, Eanadoallo- ja biebmodepartemeantta stáhtaráđđin ja njunušin. Stáhtaráđđi Åslaug Haga lea ohcama vuođul beassan gutnálaččat heaitit.

Seammás lea mearriduvvon ahte čuovvovaš stáhtaráđit molsot departemeantta:

• stáhtaráđđi Dag Terje Andersen guođđá Ealáhus- ja gávpedepartemeantta ja manná Bargo- ja searvadahttindepartementii.
• stáhtaráđđi Bjarne Håkon Hanssen guođđá Bargo- ja searvadahttindepartemeantta ja manná Dearvvašvuođa- ja fuolahusdepartementii.
• stáhtaráđđi Sylvia Brustad guođđá Dearvvašvuođa- ja fuolahusdepartemeantta ja manná Ealáhus- ja gávpedepartementii.
• stáhtaráđđi Terje Riis-Johansen guođđá Eanadoallo- ja biebmodepartemeantta ja manná Oljo- ja energiijadepartementii.
  Nuppástusat doaibmagohtet diibmu 18.45 odne.
  Nuppástusaid geažil ráđđehusas leat dahkkojuvvon rievdadusat stáhtačálliid ja politihkalaš ráđđeaddiid gaskkas ge.

Nuppástusaid geažil ráđđehusas leat dahkkojuvvon rievdadusat stáhtačálliid ja politihkalaš ráđđeaddiid gaskkas ge. Bargiidbellodat (Bb), Sosialisttalaš Gurutbellodat (SGb) ja Guovddášbellodat (Gb) leat vuođđudan ráđđehusa. Ráđđehuslistu lea otná rájes:

Stáhtaministtar:
Jens Stoltenberg (Bb)

Finánsadepartemeantta stáhtaráđđi ja njunuš (finánsaministtar):
Kristin Halvorsen (SGb)

Eanadoallo- ja biebmodepartemeantta stáhtaráđđi ja njunuš
(eanadoallo- ja biebmoministtar):
Lars Peder Brekk (Gb)

Olgoriikaministtar:
Jonas Gahr Støre (Bb)
Máhttodepartemeantta dutkama ja alitoahpu áššiid stáhtaráđđi ja njunuš
(dutkama ja alitoahpu ministtar):
Tora Aasland (SGb)

Gielda- ja guovlodepartemeantta stáhtaráđđi ja njunuš
(gielda- ja guovloministtar):
Magnhild Meltveit Kleppa (Gb)

Suodjalusdepartemeantta stáhtaráđđi ja njunuš (suodjalusministtar):
Anne-Grete Strøm-Erichsen (Bb)

Birasgáhttendepartemeantta ja Olgoriikadepartemeantta ovddádusáššiid stáhtaráđđi ja njunuš (biras- ja ovddádusministtar):
Erik Solheim (SGb)

Bargo- ja searvadahttindepartemeantta stáhtaráđđi ja njunuš
(bargo- ja searvadahttinministtar):
Dag Terje Andersen (Bb)

Johtalusdepartemeantta stáhtaráđđi ja njunuš (johtalusministtar):
Liv Signe Navarsete (Gb)

Dearvvašvuođa- ja fuolahusdepartemeantta stáhtaráđđi ja njunuš
(dearvvašvuođa- ja fuolahusministtar):
Bjarne Håkon Hanssen (Bb)

Justiisa- ja politiijadepartemeantta stáhtaráđđi ja njunuš (justiisaministtar):
Knut Storberget (Bb)

Kultur- ja girkodepartemeantta stáhtaráđđi ja njunuš (kultur- ja girkoministtar):
Trond Giske (Bb)

Ealáhus- ja gávpedepartemeantta stáhtaráđđi ja njunuš (ealáhus- ja gávpeministtar):
Sylvia Brustad (Bb)

Ođasmahttin- ja hálddahusdepartemeantta stáhtaráđđi ja njunuš, gean ovddasvástádus maiddái lea oktiiordnet davviriikkalaš ovttasbarggu (ođasmahttin- ja hálddahusministtar):
Heidi Grande Røys (SGb)

Oljo- ja energiijadepartemeantta stáhtaráđđi ja njunuš
(oljo- ja energiijaministtar):
Terje Riis-Johansen (Gb)

Mánáid- ja dásseárvodepartemeantta stáhtaráđđi ja njunuš
(mánáid- ja dásseárvoministtar):
Anniken Huitfeldt (Bb)

Máhttodepartemeantta stáhtaráđđi ja njunuš, gean ovddarvástádussii maiddái gullet mánáigárde- ja oahpahusáššit (máhttoministtar):
Bård Vegar Solhjell (SGb)

Guolástus- ja riddodepartemeantta stáhtaráđđi ja njunuš (guolástus- ja riddoministtar):
Helga Pedersen (Bb)