Norgga-ruošša ovttasbargu nannejuvvo vel eambbo

– Norgga ja ruošša gaskavuohta ii leat goassege leamaš buoret go dál. Presideanta Medvedjeva guossástallan lea deaŧalaš ja nanne norgga-ruošša ovttasbarggu vel eambbo. Čoahkkimiin lea leamaš rabasvuohta ja lotnolas dáhttu ovttasbargat, lohká stáhtaministtar.

 

Stáhtaministtar Jens Stoltenberg ja olgoriikkaministtar Jonas Gahr Støre čoahkkimis Ruošša presideanttain Dmitrij Medvedjev maŋŋgabargga iđit. Govva: Per Thrana/Stáhtaministara kantuvra.

• Geahčá eambbo govaid čoahkkimiin gaskal Stoltenberga ja Medvedjeva
• Geahčá preassakonferánssa  Stoltenbergain ja Medvedjevain Neahtta-TV:s

Guovddáš fáttat presideantta Medvedjeva guovtte beaivvi guossástallamis Norggas ledje ovttasbargu davvin, energiija, guolásteapmi ja eará bilaterála gažaldagat ledje. Dasa lassin leat riikkaid gaskasaš gažaldagat, nugo eurohpálaš sihkkárvuohta ja dálkkádat, leamaš badjin beaivvi daguin.

Norga ja Ruošša leaba ovttaoaivilis joatkit barggu njeaidit eastagiid ovttasbargat davvin rádjerasttildeami, bargolobiid ja duollodábiid.

– Mii leat ovttaoaivilis bargat oažžut šiehtadusa rádjeássiduođaštusa vuolláičállojuvvot johtilit. Šiehtadus dahká vejolažžan mátkkoštit visuma haga álbmogii 30 km avádagas goappašat bealde ráji, lohká Stoltenberg. 

Goappašat bealálaččat leigga duhtavaččat lihkostuvvan ovttasbargguin hehttet lobihis guolásteami mii manná maŋás gitta 1950-lohkui. Oažžu giitit dán ovttasbarggu go dat deaŧaleamos máddodagat  Barentsábis ja Norggaábis buori veajuin. Lobihis guolásteapmi lea leamaš 100 000 tonna jagis. Diibmá ii registrerejuvvon guđegelágan lobihis guolásteapmi.

Energiijasuorggis vuolláičállojuvvui energiijabeaktileabbondahkama- ja ođasmahtti energiija ovttasbargošiehtadus. Goappašat riikkat leaba stuorra oljo- ja gássabuvttadeaddjit, ja biddjo danne stuorra deaddu ovttasbargui dán suorggis. Stockman-guovllu ovdáneapmi rahpá stuorra vejolašvuođa ealáhusdoaimmaheapmái. Bargojuvvo maiddái ovdánahttit oktasaš dearvvašvuođa-,  biras-, ja sihkkárvuođanjuolgadusaid  petroleumaviežžama várás Barentsábis. Ođđa ovttasbargu dahkat energiija beaktileabbon, nanne dán ovttasbarggu birasdimenšuvnna, dasa lassin go lassánahttá gássa fitnema,

Ealáhussemináras mii lágiduvvui galledeami vuosttas beaivvi, deaivvadedje norgga ja ruošša fitnodagat digaštallat vejolašvuođaid ovttasbargat eambbo. Guovddáš fáttat ledje oljo- ja gássabohkan garra dálkkádatdilis, guolásteapmi, akvakultuvra ja teknologiijaovdánahttin. Stáhtaministtar Stoltenberg ja presideanta Medvedjev digaštalaiga maiddái ealáhusaid rámmaeavttuid Stoltenberga deattuhiii man mávssolaš háhkamiid vuorddehahttivuohta ja sihkkárvuohta  lea.

Dat guokte justisaovttasbargošiehtadusa mat vuolláičálluiga lea norgga ja ruošša máŋggajagáš vearredahkkifuolaheami ovttasbarggu viidáseappot ovdánahttin. Deaŧalaš suorggit ovttasbarggus leat viidáseappot  molssaevttolaš ráŋggáštanvugiid ovdánahttin, friddjafuolahusa nannen ja fágaidgaskasaš lahkoneapmi láhkarihkkuide.

Vuolláičállojuvvui maiddái ovttasbargošiehtadus meterologijjasuorggis, mii buorida dálkedieđuid addima barentsábi dáfus ja guovlluin dakko birrasis. Ovttasbargu siskkilda dutkama, ekspearttaid ja teknihkalaš dieđuid lonohallama.

Deaivvadeamis presideanta Medvedjevain deattuhii stáhtaministtar man mávssolaš lea siviila servodahkii beassat bargat friddja Ruoššas. Ollu norgga, eaktudáhtolaš searvvit leat raporteren váttisvuođaid doaibmat Ruoššas, sihke hálddahuslaš váttisvuođaid  ja visumváttisvuođaid.