Ođđa doaibmaplána radikaliserema ja veahkaválddálaš ravdamearálašvuođa eastadeames

– Mii láhččet vuođu govdadit bargat eastadeames veahkaválddálaš ravdamearálaš guottuid vai dat eai vuolggat duohta daguid. Ásaheames dili vai álbmot dovdá oadjebasvuođa ja dorvvolašvuođa lea vuođđudeaddji bargun juohke ráđđehussii, dadjá stáhtaministtar Jens Stoltenberg.

Ráđđehus lea odne almmuhan ođđa plána  movt eastadeames radikaliserema ja veahkaválddálaš ravdamearálašvuođa. – Oktasaš oadjebasvuohta lea min buohkaid oktasaš ovddasvástádus. Buohkaid geat veahkaválddálašvuođain ja hirbmaválddálašvuođain dagahit dorvvuhisvuođa ja balu, galgat eastadit ja ráŋggáštit, lohka stáhtaministtar.

- Rabas norgalaš searvevuođa givrodahkan leage  juste dat - ahte buohkaid galgat guldalit. Ja mii fertet maiddái gierdat gullát oaiviliid maid eat liiko gullát, ja sin eastadit ja vuostálastit demokráhtalaš vugiiguin ja vuoiŋŋalaš vearjjuiguin, dadjá justisministtar Knut Storberget.

Suodjaleamis mearkkaša eastadit sihke ruovttus ja eará guovlluin. Dát lea vuohki movt govdadit bargat eastademiin – vai eastadit veahkeválddálaš guottuid vuolggahit dákkár daguid – ja leat dán plána váldomihttomearit. Politiija ja dorvvolašvuođabálvalusa dutkanbarggut leat olggobealde dán plána rámmaid.

Doaibmaplána mas leat 30 doaibmabiju lea gustovaš 2010 gitta 2013 rádjai leat njeallje áŋgiruššansuorggi: Lasihit máhtolašvuođa ja dieđuid, nannet eiseválddiid ovttasdoaimma, nannet gulahallama ja lassáneaddji searvan, ja doarjja hearkkes ja uhkiduvvon olbmuide. Doaibmaplána lea leamašan ovddasmanni bargun. Dat lea ávkkástallan riikkaidgaskasaš vásáhusaid vástideaddji barggus eará  eurohpálaš riikkain.

Ráđđehus lea bargan plánain 2008 rájes, ja máŋga departemeanttat ja vuollásaš ásahusat leat searvan bargui. Moanat organisašuvnnat ja dutkit geain lea viiddis gelbbolašvuohta dán suorggis leat leamašan mielde dán barggus.

– Vaikko Norga lea okta dain eanemus oadjebas riikkain máilmmis, de ii gávdno makkárge dáhkádus ahte mii eatge šatta vásihit terrordaguid. Mii oaidnit ovddidanhámádagaid mat čujuhit seamma guvlui go daid eurohpálaš riikkain gos terrordagut leat čađahuvvon  dahje geahččaluvvon čađahuvvot. Ráđđehus háliida leat ovddabealde vejolaš dáhpáhusaid daid eastadeames ja hehttemis, dadjá justisministtar Knut Storberget.

Mii fertet ovdalgihtii dáhkidit koordinerejuvvon ja ollislaš áŋgiruššama ja rahčamušaid radikaliserema ja veahkaválddálaš ravdamearálašvuođa vuostá, seammásgo demokratiija, dorvvolašvuođa ja čáhkkilis servodaga beroštumit deattuhuvvojit.

Loga olles doaibmaplána Justiisadepartemeantta neahttasiidduin.