Ovttasbargu barggu birra

Bargu lei stáhtaministara Jens Stoltenberga ođđajagesártni váldofáddá. Dál son bovde viiddis ráđđádallamii searvadeaddji bargoeallima ja árvobuvttadeami birra.

• Loga stáhtaministara ođđajagesártni
• Guldal sártni Neahtta-TV:s

– Guhtet guimmiideamet bargguiguin ja guhtet guimmiideamet máhtuiguin mii galgat birget boahtteáiggis. Danne ráđđehus áigu bovdet viiddis servodatdivaštallamiidda dáid áššiid birra, dajai stáhtaministtar Jens Stoltenberg iežas ođđajagesártnis. 

Son čujuhii máhttobuorideapmái, ođđa doaimmaid álggaheapmái miehtá riikka, buohcuvuođa dahkama jávkamiid unnideapmái ja skuvlavázziid heaitinlogu unnideapmái gaskan skuvlavázzima dakkár váttisvuohtan maid ráđđádallit fertejit geahčadit.

– Jagis mii boahtá mun ja dat stáhtaráđit geaidda áššit leat eanemusat čuohcán, áigut bovdet olbmuid sierranas birrasiin ráđđádallat dáid áššiid birra, dajai stáhtaministtar. 

Son attii dasto vel diehttevassii ahte olles ráđđehus áigu mátkkoštit miehtá riikka ja gullat olbmuind árvalusaid. Ulbmil lea oaččuhit áigái viiddis divaštallamiid maidda fágabirrasat, fitnodagat, organisašuvnnat ja earátge servet. 

– Mii maid šaddat geavahit neahta ja bovdet buohkaid leat mielde divaštallamiin, dajai Stoltenberg.

Stáhtaministtar Jens Stoltenberg doalai dán jagi ođđajagesártni ráđđehusa guosseviesus mii lea Parkveien 45 nammasaš geainnus. Loga eambbo sártni birra dás. Govva: Scanpix.